ڈی سی لاہور سید موسیٰ رضا کی زیر صدارت خصوصی انسداد پولیو مہم جائزہ اجلاس ہوا. اجلاس میں ایڈیشنل ڈپٹی کمشنر جنرل محمد شجعین وسطرو، سی او ہیلتھ ڈاکٹر محمد زوہیب حسن و دیگر نے شرکت کی. سی او ہیلتھ نے بریفنگ دیتے ہوئے کہا کہ گزشتہ برس پولیو مہم میں مثبت نتائج سامنے آئے، 2025 میں اہداف کے حصول کے قریب ترین ہیں.
ڈی سی لاہور سید موسیٰ رضا نے ہدایات کیں کہ مکمل اہداف کے حصول کے لئے جامع حکمت عملی ترتیب دی جائے. ڈی سی لاہور نے کہا کہ 22 لاکھ سے زائد بچوں کو پولیو کے قطرے پلائے جانے کا ہدف مکمل حاصل کرنا ہے. ، ڈی سی لاہور نے تنبیہہ کی کہ کوئی بھی بچہ پولیو کے قطرے پئے بغیر نہ رہے اس بات کو یقینی بنایا جائے. ڈی سی لاہور نے کہا کہ پولیو ورکرز کو مزید دلجمعی، لگن اور ایمانداری سے کام کرنا ہو گا، ڈی سی لاہور نے کہا کہ انتظامی افسران اور پولیو ورکرز کی انتھک کاوشوں سے ہی لاہور کو پولیو فری بنانا ممکن ہے. انہوں نے کہا کہ پولیو مہم کو کامیاب بنانے کے لیے تمام تر میسر وسائل بروئے کار لائے جائیں، ڈی سی لاہور نے اپیل کی کہ پولیو مہم کی کامیابی کے لئے شہری بھی تعاون کریں، ڈی سی لاہور سید موسیٰ رضا نے کہا کہ پاکستان کو پولیو فری ملک بنانے میں اپنا کردار ادا کریں.
