*سیلز ریکارڈ چھپانے، انفورسمنٹ ٹیموں سے مزاحمت کرنے پر مقدمات درج کروائے جائیں گے۔ ترجمان پی آر اے*

ماہانہ کروڑوں روپے سیلز ریکارڈ کے باوجود ٹیکس ادائیگی میں خردبرد کا معاملہ۔۔ صوبہ بھر میں پنجاب ریونیو اتھارٹی کی انفورسمنٹ ٹیموں نے متعدد مقامات پر سیلز ریکارڈ کی چھان بین کی۔ٹیکس نادہندہ، ریکارڈ میں خرد برد کرنیوالی متعدد فوڈ چینز اور دیگر مقامات سیل کر دیے گئے۔ ترجمان کے مطابق 9 ریسٹورنٹس اور فوڈ پوائنٹس کے سیلز ریکارڈ کو ضبط کر لیا گیا۔ ترجمان نے واضح کیا کہ سیلز ریکارڈ چھپانے، انفورسمنٹ ٹیموں سے مزاحمت کرنے پر مقدمات درج کروائے جائیں گے۔نوٹسز کے باوجود سرکاری خزانے میں ٹیکسز جمع نہ کروانے پر بھی کارروائیاں کی گئیں۔عوام کے ادا کردہ ٹیکسز، حکومت کی امانت، بروقت اور شفاف ادائیگی یقینی بنائی جائے۔صارفین سے گزارش ہے کہ ادائیگی کے بعد ای بل ضرور حاصل کریں۔