وزیر ہاؤسنگ اربن ڈویلپمنٹ اینڈ پبلک ہیلتھ انجینئرنگ بلال یاسین نے شریف پارک اچھرہ میں زیر زمین واٹر ٹینک کا افتتاح کیا،وائس چیئرمین واسا چودھری شہباز، حافظ اسد عبید،لیگی کارکنان و اہل علاقہ کی بڑی تعداد نے صوبائی وزیر بلال یاسین کا استقبال کیا،ایم ڈی واسا غفران احمد نے صوبائی وزیر کو پراجیکٹ کی لاگت اور دورانیے بارے بریفنگ دی ،ڈی جی واسا طیب فرید بھی موجود تھے، 414 ملین کی لاگت سے شریف پارک 15 لاکھ گیلن کا زیر زمین واٹر ٹینک تعمیر کیا جارہا ہے، اس موقع پر لیگی کارکنان سے خطاب میں وزیر ہاؤسنگ بلال یاسین نے کہا کہ شریف پارک اور ملحقہ فیروز پور روڈ کے علاقوں سے بارشی پانی واٹر ٹینک میں ذخیرہ کیا جائے گا، بارش کے بعد یہ علاقے ندی نالوں کا منظر پیش کرتے تھے، اب ایسا نہیں ہوگا، زیر زمین واٹر ٹینکس کی تعمیر کے بعد تمام پارکس کو بحال کیا جائے گا،وزیر ہاؤسنگ پنجاب نے واضح کیا کہ زیر زمین پراجیکٹس پر اربوں کی لاگت کا مقصد خالص عوامی خدمت اور سہولت فراہم کرنا ہے، تاریخ میں پہلی مرتبہ واسا لاہور کو اتنے بڑے پراجیکٹس کیلئے اربوں روپے دیے گئے ہیں، وزیر اعلیٰ پنجاب مریم نواز کا نائب بن کر آپ بھائیوں کے پاس آیا ہوں، علاقے کے مسائل ترجیحی بنیادوں پر حل کروائے جائیں گے۔
*وزیر ہاؤسنگ اینڈ اربن ڈویلپمنٹ بلال یاسین کا شریف پارک اچھرہ میں زیر زمین واٹر ٹینک کا افتتاح*
