وزیر ہاؤسنگ اینڈ اربن ڈویلپمنٹ بلال یاسین نے اپنی چھت اپنا گھر پروگرام کے تحت بننے والے گھروں کا جائزہ لیا ،ڈی جی پھاٹا سکندر ذیشان کے ہمراہ کاہنہ کے علاقے میں مکمل ہونیوالے گھروں کا دورہ کیا،اپنی چھت اپنا گھر پروگرام کے تحت گھر بنانیوالے افراد نے وزیر ہاؤسنگ سے درخواست کی کہ ہمارا شکریہ کا پیغام اور دعائیں وزیر اعلیٰ پنجاب مریم نواز تک ضرور پہنچائیں ، وزیر ہاؤسنگ بلال یاسین نے اخوت دفتر میں موجود درخواست گزاروں سے بھی ملاقات کی، درخواست گزاروں اور مستفید افراد نے بلاسود قرضوں کی فراہمی کو دائمی نیکی قرار دیا،وزیر ہاؤسنگ پنجاب کا کہنا تھا کہ گھروں کی تعمیر کیلئے 15 لاکھ تک بلاسود قرضے سالانہ ایک لاکھ خاندانوں کو دیے جائیں گے، اس سال قرضوں کے ساتھ ساتھ مفت رہائشی پلاٹس بھی مستحق افراد میں تقسیم ہوں گے، 34 ہزار خاندانوں کو قرض فراہم کیا جاچکا، کسی سطح پر کرپشن کی شکایت نہیں ملی، اس موقع پر صوبائی وزیر بلال یاسین کے ہمراہ پھاٹا اور اخوت کے افسران بھی موجود تھے۔
*گھروں کی تعمیر کیلئے 15 لاکھ تک بلاسود قرضے سالانہ ایک لاکھ خاندانوں کو دیئے جائیں گے،وزیر ہاؤسنگ بلال یاسین*
