مایوس کن بجٹ،آل پاکستان لوکل گورنمنٹ ایمپلائز فیڈریشن، پاکستان ورکرز فیڈریشن اور دیگر تنظیموں سے مل کر احتجاجی تحریک کا آغاز کرے گی

اسلام آباد(بلدیات ٹائمز) بجٹ سال 2025-26 اسمبلی میں پیش کرنے کے دوران تنخواہوں اور پنشن میں بہت ہی کم اضافہ کر کے ملازمین اور پنشنرز کے اندر بے یقینی کی صورتحال پیدا کر دی گئی ھے۔ بجٹ میں غریب اور دیہاڑی دار لوگوں کے لئے بجٹ میں مینیمم ویجز اور EOBI پنشن پر بات کرنا بھی گوارہ نہیں کیا اور صنعتی مزدورں، فارمل سیکٹر اور انفارمل سیکٹر کے مزدورں اور ملک کے بلدیاتی اداروں کی ترقی اور بلدیاتی اداروں کے ملازمین اور پنشنرز کی بروقت ادائیگیوں اور بلدیاتی ملازمین اور پنشنرز کو تنخواہوں اور پنشن کے بقایاجات کی ادائیگی یقینی بنانے کے لئے بجٹ تقریر میں بات تک نہیں کی گئی جس کی وجہ سے محنت کشوں میں سخت مایوسی پھیل رہی ھے۔ آل پاکستان لوکل گورنمنٹ ایمپلائز فیڈریشن چیئرمین شوکت کیانی، صدر رمضان دانش اور دیگر عہدیدارن نے موجودہ بجٹ میں تنخواہوں اور پنشن میں ناکافی اضافہ کو مسترد کرتے ھوئے، مینیمم ویجز میں اصافہ نہ کرنے اور EOBI پنشن میں اضافہ نہ کرنے، صنعتی ورکرز، فارمل اور انفارمل مزدوروں کے حقوق کی بات نہ کرنا، صوبائی سطح پر وومن دستکاری سنٹرز کو مزید پروموٹ کرنے کی بجائے خیبرپختونخوا کی سطح پر پر ان دستکاری سنٹرز کو ختم کرنے پر سخت تشویش کا اظہار کرتے ھوئے کہا کہ آل پاکستان لوکل گورنمنٹ ایمپلائز فیڈریشن، پاکستان ورکرز فیڈریشن اور دیگر تنظیموں سے مل کر احتجاجی تحریک کا آغاز کرے گی۔ آل پاکستان لوکل گورنمنٹ ایمپلائز فیڈریشن کے عہدیداران نے حکومت پاکستان اور چاروں صوبوں کی حکومتوں سے پرزور مطالبہ کیا ھے کہ ائندہ صوبائی بجٹس میں بلدیاتی اداروں کے ملازمین اور پنشنرز کی تنخواہوں اور پنشن کے بقایاجات کی ادائیگی یقینی بنانے کے لئے خاطر خواہ گرانٹس مختص کریں۔ مینیمم ویجز کم از کم اجرت ساٹھ ہزار روپے ماہانہ مقرر کی جائے اور صوبہ خیبرپختونخوا کی حکومت سے بلدیاتی اداروں کے 2 فیصد مختص کے تحت وومن دستکاری سنٹرز کو ختم کرنے کے احکام کو واپس کر کے دستکاری سنٹرز اور اسکے عملہ کو بحال رکھا جائے۔