کمشنر لاہور زید بن مقصود کا جاری پولیو مہم جائزہ کے حوالے سے گلاب دیوی ٹیچنگ ہسپتال اور میٹرو اسٹیشن چلڈرن ہسپتال کا دورہ

کمشنر لاہور زید بن مقصود نے جاری پولیو مہم جائزہ کے حوالے سے گلاب دیوی ٹیچنگ ہسپتال اور میٹرو اسٹیشن چلڈرن ہسپتال کا دورہ کیا۔ کمشنر لاہور نے چلڈرن ہسپتال میں قائم پولیو کیمپ، ریکارڈ رجسٹر سے پولیو کارکردگی کاجائزہ لیا۔ کمشنر لاہور نے کہا ہے کہ جاری پولیو مہم میں لاہور میں 5 سال کی عمر تک کے 22لاکھ 30ہزار134 بچوں کو پولیو قطرے پلائے جارہے ہیں، 5825 موبائیل ٹیمز، 371فکسڈ ٹیمز متحرک ہیں اور 214ٹرانزٹ پوائنٹس کو بھی ٹارگٹ کیا جارہا ہے۔بعد ازاں کمشنر لاہور زید بن مقصود نے گلاب دیوی ہسپتال کی ایمرجنسی و انتہائی نگہداشت وارڈز کا دورہ کیا۔ انہوں نے مریضوں کیلئے واشرومز کو چیک کیا اور کاؤنٹر انچارجز کی ورکنگ کا جائزہ لیا۔

کمشنر لاہور نے کہا ہے کہ حکومت پنجاب شہری صحت عامہ سہولیات فراہمی کو اولین اہمیت دیتی ہے، اچانک دوروں کا مقصد شہریوں کیلیے فراہم کردہ میڈیکل سہولیات کا جائزہ لینا ہے۔ کمشنر لاہور نے والدین اور شہریوں سے اپیل کی ہے کہ انسداد پولیو مہم مستقل معزوری سے بچاؤ کی مہم ہے، پولیو مہم کو کامیاب بنانے کیلئے ہمارا ساتھ دیں، پولیو ٹیمز کے ساتھ مکمل تعاون کریں، دو پولیو قطرے ہر بچے کیلئے ضروری ہیں، انہوں نے مزید کہا کہ پاکستان کے مستقبل کو محفوظ کرنا ہے، اپنے بچوں کا تحفظ ہماری اولین ترجیح ہے، زندگی بھر کے پولیو مرض سے نجات بچوں کی نہیں والدین کی اولین ذمہ داری ہے۔