کمشنر لاہور زید بن مقصود کی زیر صدارت پری مون سون جائزہ و انتظامات کے حوالے سے اجلاس

کمشنر لاہور زید بن مقصود کی زیر صدارت پری مون سون جائزہ و انتظامات کے حوالے سے اجلاس منعقد ہوا۔ کمشنر لاہور زید بن مقصود نے اضلاع سے فلڈ ماک ایکسر سائزز کی تفصیلات طلب کرلیں۔کمشنر لاہور کو بریفنگ میں بتایا گیا کہ دریائے راوی میں 27 فیصد اور ستلج میں 22 فیصد پانی ہے۔ آبی بہاو معمول کے مطابق ہے۔ بریفنگ میں بتایا گیا کہ دریاوں میں چوکنگ پوائنٹس کو کلیئرکرانا محکمہ آبپاشی کا کام ہے۔ کمشنر لاہور زید بن مقصود نے اضلاع کو دریاوں کے گرد تجاوزات کی میپنگ کرنے کی ہدایت کردی۔ کمشنر لاہور نے کہا کہ موسمی پیشگوئی، دریاوں کے کیچمنٹ ایریاز میں بارش، پیشگی منصوبہ بندی کے تحت اقدامات کرنے ہونگے۔ کمشنر لاہور نے ڈی سی ز کو اربن فلڈنگ کے حوالے سے تمام مشینری کو فعال کرنے کی ہدایت کردی۔ کمشنر لاہورنے کہا کہ واسا کی بریفنگ کے مطابق ڈی سلٹنگ کیلئے واسا مشینری 24گھنٹے کام کررہی ہے۔ 16ڈسپوزل سٹیشنز، 112لفٹ سٹیشنز کیلئے بیک اپ جنریٹرز فعال ہونے چاہئیں۔ کمشنر لاہور نے ہدایت کی کہ سورنگ پوائنٹس اور انڈرپاسز پر خصوصی ٹیمیں اور مشینری کی پلاننگ کی جائے۔ اجلاس میں ڈی سی لاہور رافعہ حیدر، ڈی سی قصور ارشد بھٹی، ایکسین آبپاشی لاہور مسعود سیف، ایم ڈی واسا غفران احمد، اے سی آر اظہارالحق باجوہ، ڈی ایم ڈی واسا عبدالطیف و دیگر افسران نے شرکت کی جبکہے ڈی سی شیخوپورہ ڈاکٹر وقار خان، ڈی سی ننکانہ محمد ارشد، ایکسین قصور شعبان نے بذریعہ ویڈیو لنک شرکت کی۔