یہ گوشت بیرون ممالک ایکسپورٹ بھی ہو رہا تھا۔لاہور کے بعد اسلام آباد میں بھی گدھے کا گوشت پکڑا گیا ہے۔ترنول میں پچاس سے زائد گدھے اور بڑی مقدار میں گوشت برآمد کر لیا گیا۔اسلام آباد فوڈ اتھارٹی کی جانب سے بڑی کارروائی ڈپٹی ڈائریکٹر فوڈ اتھارٹی ڈاکٹر طاہرہ صدیق کی نگرانی میں کی گئی۔ڈائریکٹر فوڈ اتھارٹی کی جانب سے ملوث افراد کے خلاف فی الفور اندراج مقدمہ کا حکم دیا گیا ہے ۔فوڈ اتھارٹی ٹیم کی جانب سے گوشت کو تلف کر دیا گیا ہے۔
فوڈ اتھارٹی ٹیم کی جانب سے ٹوٹل 25 من گوشت برآمد کیا گیا، ڈاکٹر طاہرہ صدیق موقع پر موجود ایک غیر ملکی شہری کو پولیس کے حوالے کر دیا گیا۔ڈاکٹر طاہرہ صدیق نے کہا ہے کہ 
گوشت کن کن ایریاز میں سپلائی کیا گیا، تفتیش جاری ہے۔ابتدائی تحقیقات کے مطابق گوشت بیرون ملک سپلائی کیا جاتا تھا۔شہر میں محفوظ غذا کی فراہمی کے لیے فوڈ اتھارٹی دن رات کوشاں ہے۔
