369 دکانداروں کیخلاف چینی کی قیمتوں میں ناجائز منافع خوری پر کارروائیاں، پنجاب بھر میں 60 افراد گرفتار، 21 کیخلاف مقدمات درج، 288 افراد کو جرمانے عائد

چینی کے مقرر کردہ نرخوں پر عملدرآمد نہ کرنیوالوں کیخلاف کریک ڈاؤن جاری ہے،سیکرٹری پرائس کنٹرول ڈاکٹر احسان بھٹہ کی زیر صدارت چینی کے سٹاک اور کارروائیوں بارے اہم اجلاس ہوا،تمام ڈپٹی ڈائریکٹرز اور ڈسٹرکٹ فوڈ کنٹرولرز نے بذریعہ ویڈیو لنک اجلاس میں شرکت کی،کین کمشنر پنجاب ،نوید شہزاد مرزا ،ایڈیشنل سیکرٹری ایڈمن، ایڈیشنل سیکرٹری کماڈیٹیز اور دیگر افسران بھی موجود تھے،گزشتہ 24 گھنٹوں کے دوران 369 دکانداروں کیخلاف چینی کی قیمتوں میں ناجائز منافع خوری پر کارروائیاں کی گئیں، پنجاب بھر میں 60 افراد گرفتار، 21 کیخلاف مقدمات درج، 288 افراد کو جرمانے عائد کیے گئے،اب تک 30 ہزار 28 افراد کیخلاف کارروائیوں میں 2092 افراد گرفتار 361 کیخلاف مقدمات درج کروائے گئے ہیں،لاہور ڈویژن میں 32 گراں فروشوں کیخلاف کارروائیوں میں9 گرفتار جبکہ 3 کیخلاف مقدمات درج کروائے گئے ہیں،گوجرانولہ ڈویژن میں36 اور فیصل آباد میں 53 دوکانداروں کیخلاف چینی کے نرخوں کی خلاف ورزی پر کارروائیاں کی گئیں، ساہیوال ڈویژن میں 22، سرگودھا 29 جبکہ راولپنڈی میں 91 گراں فروشوں کیخلاف کارروائیاں کی گئیں،بہاولپور ڈویژن میں 17 ,ڈی جی خان 10، جبکہ ملتان میں 79 چینی گراں فروشوں کیخلاف کارروائیاں کی گئیں، سیکرٹری پرائس کنٹرول کا کہنا تھا کہ گزشتہ ہفتے کے مقابلے میں عام مارکیٹ میں چینی سٹاک کی فراہمی میں واضح بہتری آئی ہے، چند منافع خور قلت کا بہانہ بنا کر گراں فروشی کر رہے ہیں، ان کیخلاف کریک ڈاؤن جاری رکھا جائے۔