گلشن راوی، شادمان ،مادر ملت روڈ ٹاون شپ،مانگا منڈی اور رائے ونڈ روڈسہولت آن گو بازار جلد فعال کئے جائیں گے، ڈاکٹر احسان بھٹہ

وزیر اعلیٰ پنجاب کی ہدایت پر اشیاء خورونوش کی ارزاں نرخوں پر فراہمی کا مشن..سیکرٹری پرائس کنٹرول ڈاکٹر احسان بھٹہ نے سہولت آن دی گو بازاروں کی تعمیر کا جائزہ لیا،گلشن راوی کی 2 سائٹس اور شادمان میں زیر تعمیر شیڈز کے معیار اور کام کی رفتار بارے استفسار کیا، سہولت بازار اتھارٹی کے افسران نے پیش رفت بارے آگاہ کیا،سیکرٹری پرائس کنٹرول نے شادمان بازار کے گرد شجرکاری مہم کے تحت پودے لگانے کی ہدایت کی، ان کا کہنا تھا کہ ڈرینز سے نکلنے والے آلودہ پانی کے اثرات میں بھی واضح کمی آئے گی، گلشن راوی، شادمان ،مادر ملت روڈ ٹاون شپ،مانگا منڈی ملتان روڈ اور رائے ونڈ روڈ نزد سبزی منڈی سہولت آن گو بازار جلد فعال کیے جائیں گے، ڈاکٹر احسان بھٹہ نے واضح کیا کہ عوامی سہولت کے منصوبوں میں غفلت یا تاخیر کسی صورت برداشت نہیں کی جائے گی، ہفتہ وار کام کی نگرانی کا جائزہ لینے کیلئے کنسلٹنٹ پرائس کنٹرول ملک مقصود احمد بھی ہمراہ تھے۔