وزیر ہاؤسنگ اینڈ اربن ڈویلپمنٹ پنجاب بلال یاسین نے حلقے میں کھلی کچہری کے دوران مختلف یونین کونسلز کے علاقہ عمائدین کے مسائل سنے اور حل کرنے بارے احکامات جاری کیے،صوبائی وزیر نے موجودہ سیاسی صورتحال اور ترقیاتی منصوبوں بارے لوگوں کو آگاہ کیا، وزیر ہاؤسنگ پنجاب بلال یاسین کا کہنا تھا کہ ضمنی انتخابات میں پاکستان مسلم لیگ ن کے امیدوار پنجاب حکومت کی کارکردگی کو ووٹ دیں گے،پنجاب کے تمام اضلاع ایک نئے روڈ میپ کے تحت ترقی کی ڈگر پر ڈالے جاچکے ہیں،وزیر اعلیٰ پنجاب مریم نواز کی ہدایت پر آئے روز نئے منصوبوں کا آغاز کیا جارہا یے، سیاسی مخالفین ذاتی کردار کشی کی بجائے کارکردگی پر بات کریں تو زیادہ اچھا ہوگا، پنجاب کے ہر ضلع میں صاف پانی، نکاسی آب، سڑکوں، پارکس اور ای بسوں کا نیٹ ورک بنایا جارہا ہے، بلال یاسین کا مزید کہنا تھا کہ عام آدمی کے روزمرہ مسائل کو ترجیحی بنیادوں پر حل کرنے پر حکومت پنجاب کام کر رہی ہے، وزیر اعلیٰ پنجاب کا دورہ جاپان صوبے میں ترقی کی نئی راہوں اور عالمی معاہدوں کا پیش خیمہ ثابت ہوگا، ترقی یافتہ ممالک کی کامیاب پالیسیوں اور بروقت اقدامات سے ہی چیلنجز پر قابو پایا جاسکتا ہے۔
