کمشنر لاہور زید بن مقصود نے ٹرائی سیریز جنوبی افریقہ بمقابلہ نیوزی لینڈ ون ڈے میچ انتظامات و جائزہ کے حوالے سے قزافی اسٹیڈیم کا دورہ کیا۔ کمشنر لاہور نے افسران کے ہمراہ اسٹیڈیم میں انکلوژرز کا دورہ کیا۔ تمام متعلقہ افسران نے قزافی اسٹیڈیم میں جاری ٹرائی سیریز میچ انتظامات بارے بریفنگ دی۔ کمشنر لاہور نے قزافی اسٹیڈیم کیلئے قائم کنٹرول روم کا دورہ کیا اور انتظامات کا جائزہ لیا۔ کمشنر لاہور نے کہا ہے کہ لاہور میں ٹرائی سیزیز کیلئے بہترین انتظامات کیے گئے ہیں، تمام محکمے پی سی بی کے ہمراہ موجود ہیں، مکمل رابطہ میں اور فعال ہیں، انہوں نے اسٹیڈیم میں موجود ریسکیو کاؤنٹرز و ہیلپ سنٹر کا خصوصی دورہ بھی کیا۔
