سروس سٹرکچر پر عمل درآمد یقینی بنانے کے لئے لوکل گورنمنٹ ایمپلائز فیڈریشن خیبرپختونخوا کی کاوشیں رنگ لے آئیں

پشاور(بلدیات ٹائمز)لوکل گورنمنٹ ایمپلائز فیڈریشن رجسٹرڈ خیبرپختونخوا کے پرزور مطالبہ پر سروس سٹرکچر پر عمل درامد یقینی بنانے کے لئے دوسرے مرحلے میں ری نیمنگ کمیٹی کی باقاعدہ میٹنگ ہزارہ ڈویژن کے نان پی یو جی ایف سٹاف کے لئے طلب کی گئی تھی جو ناگزیر وجوہات کی وجہ سے ملتوی ہو کر 19 اگست 2025 کے لئے دوبارہ مقرر ہوئی اور اب 19 والی میٹنگ دوبارہ 22 ستمبر 2025 کو طلب کی گئی ھے۔جب کہ قبل ازیں پہلے مرحلے میں پشاور ڈویژن کی میٹنگ ھو چکی ھے۔ تفصیلات کے مطابق نان پی یو جی ایف سٹاف کے سروس سٹرکچر کو عملی جامہ پہنانے کےلئے دوسرے مرحلے میں ہزارہ ڈویژن کی 26 تحصیل میونسپل ایڈمنسٹریشنز کے تحصیل میونسپل آفیسرز اور تحصیل آفیسرز فنانس کو ھمراہ متعلقہ ریکارڈ میٹنگ میں 12 اگست 2025 کو طلب کیا گیا تھا مگر ملتوی ہو کر دوبارہ 19 اگست 2025 کے لئے لوکل کونسل بورڈ پشاور کے دفتر میں طلب کر لیا گیا ھے اور اب وہ میٹنگ ری شیڈول ہو کر 22 ستمبر 2025 کے لئے طلب کی گئی ہے۔ اجلاس کی صدارت کمیٹی کے چئیرمین ایڈیشنل سیکرٹری بورڈ کریں گے۔جس کے لئے لوکل کونسل بورڈ کی طرف سے باقاعدہ خطوط تحت نمبری AO-IV/LCB/4-1/TMAs General File مجاریہ 06 اگست 2025 کو جاری کئے گئے ھیں جو بعد ازاں 19 کے لئے جاری کئے گئے ہیں اور ری شیڈول میٹنگ 22 ستمبر 2025 کے لئے طلب کی گئی ہے۔ مزید برآں لوکل گورنمنٹ ایمپلائز فیڈریشن رجسٹرڈ خیبرپختونخوا کے عہدیداران سرپرست اعلیٰ شوکت کیانی ، چئیرمین محبوب اللہ ، صدر حاجی انور کمال خان مروت نے

ہزارہ ڈویژن کی تمام TMAs کے یونین رہنماؤں کو آگاہ کیا ہے کہ وہ اپنی اپنی تحصیل کونسلز کی ضروری پوسٹوں کی ری نیمنگ کے لئے تحصیل میونسپل آفیسرز کی ھمراہ TOF بمعہ ریکارڈ متعلقہ، بروقت میٹنگ میں حاضری یقینی بنانے کے لئے اپنا بھر پور کردار ادا کریں۔