رمضان المبارک کے آخری جمعہ اور عید الفطر کی مناسبت سے شہر بھر کی جامع مساجد اور عید گاہوں میں ایل ڈبلیو ایم سی کی جانب سے صفائی کے خصوصی انتظامات پر عملہ متحرک رہا۔ڈی جی ستھرا پنجاب اتھارٹی بابر صاحب دین کی ہدایت پر شہر کی تمام جامع مساجد اور اس کے اطراف خصوصی صفائی ٹیمیں تعینات کی گئیں۔ ماہ رمضان میں ایل ڈبلیو ایم سی کی آپریشن ٹیموں نےشہر بھر میں1500 مساجد کی صفائی دھلائی کا ہدف یقینی بنایا۔ نماز تراویح اور سحری کے اوقات میں بھی مساجد کے گرد خصوصی صفائی ٹیمیں تعینات رہیں۔مزید برآں روزہ داروں کو آخری عشرے میں ختم القرآن،محافل شبینہ اورجمعتہ الوداع کی مناسبت سے صاف ستھرا ماحول فراہم کرنے کے لیے مساجد کی واشنگ کا عمل یقینی بنایا گیا۔ماہ رمضان میں روزانہ کی بنیاد پر راوی ٹاؤن میں 25،شالیمار ٹاؤن میں 14،عزیز بھٹی ٹاؤن میں 17،گلبرگ ٹاؤن میں 20،ڈی جی بی ٹی میں 30،سمن آباد ٹاؤن میں 10، علامہ اقبال ٹاؤن میں 10،نشتر ٹاؤن میں 20 اورواہگہ ٹاؤن میں 14 مساجد کی واشنگ یقینی بنائی گئی جبکہ تراویح مراکز ،قبرستانوں کے اطراف اورملحقہ راستوں پر بھی صفائی اور پانی کا چھڑکاؤ یقینی بنایا گیا ۔
