لاہور شہر میں محکمہ ماحولیات اور ضلعی انتظامیہ کی جانب سے انسداد سموگ آگاہی واک کا انعقاد کیا گیا۔ کمشنر لاہور مریم خان نے کلمہ چوک تا لبرٹی چوک گلبرگ انسداد سموگ آگاہی واک کی قیادت کی۔ انسداد سموگ آگاہی واک میں ڈی سی لاہور، ڈی آئی جی آپریشنز لاہور، سی ٹی او لاہور سمیت سول سوسائٹی، سٹوڈنس، محکمہ ماحولیات، پیرا، ایم سی ایل سمیت، شہریوں کی بڑی تعداد نے شرکت کی۔اس موقع پر کمشنرلاہورڈویژن مریم خان نے میڈیا سے گفتگو کرتے ہوئے کہا ہے کہ یہ انسداد سموگ آگاہی کا آغاز ہے ذرائع ابلاغ کے ذریعے ہر شہری تک آگاہی پہنچے گی۔ انہوں نے کہا کہ لاہور کے جن ایریاز میں زیادہ سموگ تاریخ ہے وہاں پر آگاہی واکس اور کاوشیں متحرک کی جارہی ہیں، لاہور میں دھواں چھوڑنے والی اور بغیر فٹنیس گاڑیوں پر کریک ڈاون کیا جائیگا، 15 اکتوبر سے محکمہ ماحولیات لاہور میں بغیر فٹنیس لوڈر گاڑیوں کو پکڑ کر بندکر دے گا۔ کمشنر لاہور نے کہا کہ بغیر کور ریت مٹی ٹرالیوں کے شہر میں داخلے پر مکمل پابندی ہے، ٹریفک چوکنگ پوائنٹس کی نشاندہ جاری ہے ٹریفک روانی انٹر وینشنز کی جائیں گی، لاہور ڈویژن میں تمام پائرولسز پلانٹس مسمار ہوچکے ہیں، لاہور ڈویژن میں تمام بھٹوں اور انڈسٹری کی ای میپنگ مکمل ہے۔ کمشنر لاہور نے کہا کہ لاہور میں تمام 556اینٹوں کے بھٹے زگ زیگ پر ہیں ہدایات خلاف ورزی پر بھٹےکو مسمار کردیا جائےگا، ہر صنعتی یونٹ حکومتی ہدایات کے مطابق سموگ کنٹرولر میکانزم نصب کرے، انسداد سموگ پر زیرو ٹالرنس ہے، بھٹے سے سیاہ دھویں پر متعلقہ اے سی سے جوابدہی ہوگی۔کمشنر لاہور مریم خان نے شہریوں سے اپیل کرتے ہوئے کہا ہے کہ شہری و انتظامیہ ملکر ہی سموگ میں کمی لاسکتے ہیں دونوں کی ذمہ داریاں یکساں ہیں، انسداد سموگ کیلئے کوڑے کو آگ نہ لگائی جائے، خلاف ورزی پر شکایات و اطلاعات دیں فوری ایکشن ہوگا، ماحولیات سکواڈز 24گھنٹے فیلڈ میں متحرک ہیں پیرا فورس ساتھ ان ایکشن ہے، حکومتی ہدایات پر عمل کریں۔ہر شعبہ ہائے زندگی کا فرد انسداد سموگ ایڈوائزری پر عملدرآمد کرے۔
