وزیراعلیٰ پنجاب مریم نواز شریف نے سیلاب بحالی پروگرام 2025ء کا آغاز کر دیا ہے۔ وزیراعلیٰ مریم نواز شریف دیپالپور میں سیلاب متاثرین کے درمیان پہنچ گئیں اور سیلاب بحالی پروگرام کا باقاعدہ افتتاح کیا۔ دیپالپور کے سیلاب متاثرہ افراد کو 50ہزار کیش اور اے ٹی ایم کارڈ دیئے گئے۔ تحصیل دیپالپور میں 500 سیلاب متاثرین کو ایک ہی دن میں 9 کروڑ 60 لاکھ روپے جاری کیے گئے۔ وزیراعلی مریم نواز شریف نے سیلاب متاثرین کو فرنٹ پر بٹھانے کا حکم دیا اور انہیں کے درمیان بیٹھ گئیں۔ وزیراعلی مریم نواز شریف سیلاب متاثرین میں گھل مل گئیں اور متاثرین کو جلد از جلد گھر کی تعمیر کی یقین دہانی کرائی۔ سیلاب متاثرہ خواتین نے وزیراعلیٰ مریم نواز شریف کا پیسے ملنے پرشکریہ بھی ادا کیا۔ وزیراعلی مریم نواز شریف نے سیلاب متاثرین سے نقصان اور سروے کے بارے میں دریافت کیا۔ وزیراعلی مریم نواز شریف بزرگ خاتون نور بیگم اور زینب بی بی کا ہاتھ پکڑ کر خود کاؤنٹر پر لے گئیں، پراسس مکمل کرایا، بائیو میٹرک کے بعد 50 ہزارروپے اور اے ٹی ایم کارڈ دیا۔ پنجاب بنک کے فلڈ ڈسپرسمنٹ کیمپ سائٹ میں سیلاب متاثرین کی آؤ بھگت، لنچ، کولڈ ڈرنک،سنکیس اور جوسز سے تواضع کی گئی۔
وزیراعلیٰ مریم نواز شریف کو اوکاڑہ میں سیلاب متاثرین کے بارے میں تفصیلی بریفنگ دی گئی۔ بریفنگ میں بتایا گیا کہ صوبہ بھر میں 73 فی صد سروے مکمل کر لیاگیا اورچند ہفتے میں تکمیل ہوجائے گی۔ پنجاب بنک کی اے ٹی ایم مشین سے کارڈ کے ذریعے 24 گھنٹے میں لاکھ لاکھ کرکے تین لاکھ روپے نکالے جا سکتے ہیں۔ پنجاب بنک کے علاوہ دیگر بنک کی اے ٹی ایم مشین سے روزانہ ایک لاکھ روپے نکالے جاسکتے ہیں۔ بریفنگ میں بتایا گیا کہ اوکاڑہ میں سیلاب سے 147 موضع اور 17313 افراد متاثر ہوئے۔ دریا ئے ستلج اور راوی میں طغیانی سے 691 پختہ گھر مکمل اور 365 جزوی طور پر تباہ ہوئے۔ ضلع اوکاڑہ میں سیلاب سے 919 کچے مکان مکمل اور 655 جزوی طور پر تباہ ہوگئے۔ ضلع اوکاڑہ میں سیلاب سے 80592 ایکڑ اراضی متاثرہوئی اور دو مویشی ہلاک ہوئے۔ تحصیل اوکاڑہ کے 45، دیپالپور کے 94 اور رینالہ خورد کے 8 موضع میں سیلاب متاثرین کا سروے مکمل کر لیا گیا۔ سیلاب سے متاثرہ 27 اضلاع میں 72 تحصیلوں کے متاثرہ 4754 موضعات میں سے 3474 موضعات کا سروے جاری ہے۔ بریفنگ میں مزید بتایا گیا کہ پنجاب بھر میں جاری 446697 سرویز کی انٹریز مکمل کر لی گئیں۔ مجموعی طور پر 1217347 ایکڑ اراضی اور 131309 مکان متاثر ہوئے۔ صوبہ بھر میں 5805 بڑے مویشی، 2097 بھیڑ بکریاں ہلاک ہوئیں۔ ڈپٹی کمشنرز نے 231791نادرہ، پی ایل آر اے اور لائیو سٹاک نے 103716 انٹریز کی کاؤنٹر چیکنگ اور تصدیق کی۔ 71033 سیلاب متاثرین کے پنجاب بنک میں اکاؤنٹ اوپن ہوگئے۔وزیراعلیٰ پنجاب مریم نواز شریف نے سیلاب متاثرین بحالی پروگرام کی افتتاحی تقریب سے خطاب میں اہم اعلانات کیے۔ وزیراعلیٰ مریم نواز شریف نے پنجاب میں سیلاب متاثرین کے لئے 100ارب روپے کے تاریخی امدادی پیکج کا اعلان کیا۔ وزیراعلیٰ مریم نواز شریف نے سیلاب متاثرین کو امدادی رقوم کے حصول کیلئے آمدورفت کے لئے ٹرانسپورٹ فراہم کرنے کا بھی اعلان کیا۔ وزیراعلیٰ مریم نواز شریف نے سیلاب متاثرین بحالی پروگرام کی تقریب سے خطاب کرتے ہوئے کہا کہ سیلاب متاثرین کی امداد شروع ہونے پر اللہ تعالیٰ کا شکرادا کرتے ہیں۔تاریخ کے بدترین سیلاب کے بعد متاثرین کی بحالی کا خوش آئندہے۔ سیلاب متاثرہ خاندانوں کی بحالی کاآج سے باقاعدہ آغاز ہورہا ہے۔ستلج، راوی اور چناب بپھرگئے، تاریخ کے بد ترین سیلاب نے پنجاب کو گھیرا۔ تین ماہ کی مسلسل بارشوں سے بھی شہر اور دیہات زیر آب آگئے۔ سیلاب سے لوگوں کے گھر اور مال ومویشی بھی بہہ گئے۔ وزیراعلیٰ مریم نواز شریف نے کہا کہ سیلاب کے دنوں قیامت کا سماع تھا، یاد آئے تو دل دہل جاتا ہے۔ لوگ بے بسی میں اپنے گھروں کو اجڑتا اور ڈوبتا دیکھتے رہے۔ پانی اترا تو اسی دن سے سیلاب زدگان کی بحالی کا کام شروع ہوگیا۔ جن کے گھر سیلاب میں بہہ گئے تھے، ان کے گھرا ب آباد ہوگئے۔ سیلاب متاثرین کے گھر آباد ہونے تک آرام سے نہ بیٹھنے کا وعدہ پورا کررہی ہوں۔ پنجاب کی پوری حکومت سیلاب متاثرین کے ساتھ رہی، تین ہفتے تک میں خود بھی گھر نہیں بیٹھی اور نہ ہی دفتر گئی۔میری کابینہ اور پوری ٹیم کئی ہفتوں تک سیلاب متاثرین کے درمیان موجود رہی۔ریسکیو، انتظامیہ اورپولیس سب اداروں نے یکجان ہوکر کام کیا۔ حکومت پنجاب کی محنت کی وجہ سے سیلاب متاثرین کی جلد بحالی کا کام شروع ہوا۔ وزیراعلیٰ مریم نواز شریف نے کہا کہ فوج، ریونیو، لائیو سٹاک اور زراعت کے نمائندوں پر مشتمل 1700 ٹیمیں گھر گھر جاکر سروے کر رہی ہیں۔10ہزار افراد پر مشتمل ٹیمیں گھر گھر جاکر سیلاب متاثرین کا ڈیٹا لے رہی ہیں۔ سروے ٹیموں کی کاوشوں سے چند روز میں 73,فی صد سروے مکمل ہوچکا ہے۔سروے کی تکمیل سے پہلے ہی ہم نے بحالی کے لئے امدادی رقوم کی تقسیم شروع کر دی۔ وزیراعلیٰ مریم نواز شریف نے کہا کہ پنجاب کا خزانہ عوام کی امانت ہے، عوام کو ہی دیں گے۔ 25 لاکھ افراد کو سیلاب زدہ علاقوں سے نکال کر محفوظ مقام پر پہنچایا۔سیلاب متاثرین اللہ تعالیٰ اور ہم سب کے مہمان ہیں، مہمان سمجھ خدمت کررہے ہیں۔ فلڈ ریلیف کیمپوں میں سیلاب زدگان کو مہمانوں کی طرح کھانا پیش کیا جارہا ہے۔ سیلاب متاثرہ علاقوں میں 100فیلڈ ہسپتال 12 لاکھ افراد کا علاج معالجہ کیا گیا۔سیلاب کے دوران مویشیوں کی بھی علاج اور ویکسی نیشن کی گئی۔ پنجاب پاکستان کا پہلاصوبہ ہے جس نے انسان ہی بلکہ لاکھوں مویشیوں کی بھی جانیں بچائیں۔ اللہ تعالیٰ کا شکر ادا کرتے ہیں کہ ریسکیو ریلیف آپریشن پنجاب نے اپنے وسائل سے کیا۔ وزیراعلیٰ مریم نواز شریف نے کہا کہ تاریخ کا شفاف ترین سروے بھی اپنے وسائل سے کررہے ہیں۔ سیلاب زدگان کو 100ارب روپے امداد بھی دے رہے ہیں۔ سیلاب زدگان کی مدد اپنے وسائل سے ہی کررہے دنیا کے سامنے ہاتھ نہیں پھیلائے۔ عوام کے پیسے کو عوام کے قدموں میں ہی ڈھیر کریں گے۔ وزیر اعظم شہباز شریف نے سیلاب متاثرین کی مدد کرنے پر حوصلہ اور شاباش دی۔ عوام کے ساتھ کھڑے ہونا اور انتھک محنت محمد نواز شریف اور شہباز شریف سے سیکھی۔ جب تک وزیر اعلیٰ ہوں عوام کو کوئی میلی آنکھ سے کوئی نہیں دیکھ سکتا۔ وزیراعلیٰ مریم نواز شریف نے کہا کہ نواز شریف کی بیٹی آپ کے سامنے وعدہ کے مطابق امدادی رقم لیکر موجود ہے۔ امدادی رقم ملنے پر جتنے سیلاب متاثرین خوش ہیں،اس سے زیادہ میں خوش ہوں۔ سیلاب متاثرین کے ہر نقصان کا ازالہ کررہے ہیں۔ مکمل تیاری اور انتظامات کی وجہ سے کم از کم جانی نقصان ہوا۔ اربوں روپے تقسیم کررہے لیکن کرپشن کے دروازے بند کر دیئے۔مختص100ارب روپے میں سیلاب متاثرین کے سوا کسی نہیں ملے گا۔ سیلاب متاثرین میں جو رہ جائے گا، اس کی شکایت کے لئے الگ نظام واضح کیا ہے۔ پہلے مرحلے میں 15 اضلاع میں معاوضے دیئے جارہے ہیں۔ سیلاب متاثرین کی سہولت کے لئے 75مقامات پر سیلاب بحالی امدادی کیمپ قائم کیے گئے ہیں۔وزیراعلیٰ مریم نواز شریف نے کہا کہ71ہزار سے زائد سیلاب متاثرین کے بینک اکاؤنٹ کھل چکے ہیں۔سیلاب متاثرین کے لئے بحالی پروگرام کیمپ میں کھانے پینے اور ٹرانسپورٹ کا بھی انتظام کررہے ہیں۔ دعا کریں کہ اللہ تعالیٰ زیادہ وسائل دے تو سب عوام کے قدموں میں ڈھیر کردوں۔ آج پاکستان میں پنجاب کی ترقی کی مثالیں دی جارہی ہیں۔جو ترقی اور وسائل بڑوں شہروں کو میسر ہیں، وہی چھوٹے شہروں کے لئے بھی ہیں۔ وزیراعلیٰ مریم نواز شریف نے کہا کہ ہر شہر میں الیکٹرک بس چل رہی ہے اورجس کا کرایہ صرف 20 روپے ہے۔انہوں نے کہا کہ مریم نواز سب کی سی ایم اور سب کی بیٹی ہے۔پنجاب کا ہر خاندان میرے لیے اپنے خاندان کی طرح اہم ہے۔ریاست ماں کی طرح ہوتی ہے جو حفاظت بھی کرتی اور خیال بھی رکھتی ہے۔جب تک کیمپ میں آخری بندے کو امدادی رقم نہیں ملے گی کیمپ بند نہیں ہوگا۔
