ڈپٹی میئر کراچی سلمان عبداللہ مراد نے کہا ہے کہ خاتم الانبیاء حضرت محمد ﷺ کی سیرت پاک پوری انسانیت کے لئے رہنمائی حاصل کرنے کا ذریعہ ہے جسے اپنا کر مثالی معاشرے کی تشکیل ممکن بنائی جا سکتی ہے، بارہ ربیع الاول کا بابرکت دن روشنی، ہدایت اور اخوت و محبت کا پیغام لے کر آتا ہے، یہ وہ دن ہے جب آقائے دو جہاں حضرت محمد مصطفی ﷺ اس دنیا میں تشریف لائے اور ہمیں امن، بھائی چارے اور انسانیت کی خدمت کا درس دیا،ہمیں چاہیے کہ اپنی زندگیوں کو حضور اکرم ﷺ کی تعلیمات کے مطابق ڈھالیں اور ہر سطح پر باہمی اخوت و بھائی چارے کو فروغ دیں،ڈپٹی میئر کراچی نے کہا کہ بلدیہ عظمیٰ کراچی نے اس سال بھی جشنِ عید میلاد النبی ﷺ کے موقع پر شہر بھر میں خصوصی انتظامات کیے ہیں تاکہ شہری اس بابرکت دن کی خوشیوں میں سہولت کے ساتھ شریک ہو سکیں،انہوں نے کہا کہ ربیع الاول کے مقدس مہینے میں علماء کرام، شہری انتظامیہ اور مختلف ادارے مل کر خدمات سرانجام دے رہے ہیں تاکہ جشن میلاد النبی ﷺ پورے تزک و احتشام کے ساتھ منایا جائے۔
سیرت النبی ﷺ پر عمل سے مثالی معاشرہ تشکیل دیا جا سکتا ہے،ڈپٹی میئر کراچی سلمان عبداللہ مراد
