وزیراعلٰی پنجاب مریم نواز شریف کی ہدایات پرایل ڈی اے،ٹیپاکا لائحہ عمل تیارکرلیاگیا۔ڈی جی ایل ڈی اے طاہر فاروق کی زیر صدارت ایل ڈی اے کنٹرولڈ ایریا میں اہم شاہراہوں پر پیچ ورک کے بارے میں خصوصی اجلاس منعقدہواجس میں چیف انجینئر ایل ڈی اے اسرار سعید اور چیف انجینئر ٹیپا اقرار حسین نے بریفنگ دی۔اجلاس کوبتایاگیاکہ وزیراعلی پنجاب مریم نواز کی ہدایات کی روشنی میں ایل ڈی اے کنٹرولڈ ایریا کی اہم شاہراہوں پر گڑھوں کی مرمت و بحالی کا کام کیا جائے گا۔ڈی جی ایل ڈی اے طاہرفاروق نے ہدایات دیتے ہوۓ کہاکہ ایل ڈی اے کنٹرولڈ ایریا میں سڑکوں کے پیچ ورک فوری مکمل کیے جائیں۔ٹیپا اور ایل ڈی اے ٹیمیں کل سے فیلڈ میں متحرک نظر آئیں۔اجلاس میں ایل ڈی اے کنٹرولڈ ایریا کی 89 اہم چھوٹی بڑی شاہراہوں پر پیچ ورک کے کاموں پر بریفنگ دی گئی۔بتایاگیاکہ پہلے مرحلے میں 89 شاہراہوں کے 302 کلومیٹر ایریا کو گڑھوں سے کلیئر کیا جائے گا۔ان شاہراہوں میں گلبرگ، جوہر ٹاؤن، علامہ اقبال ٹاؤن، مصطفی ٹاؤن، سبزہ زار،ہربنس پورہ، جیل روڈ،ماڈل ٹاؤن ایکسٹینشن، وحدت روڈ،شادمان، گلشن راوی سمیت دیگر شاہراہیں شامل ہیں۔ڈی جی ایل ڈی اے نے ہدایات دیتے ہوۓکہاکہ کسی بھی ایریا میں گڑھا نظر نہیں آنا چاہیے، ٹیمیں سروے کے بعد کوالٹی ورک یقینی بنائیں۔ ٹیپا اور ایل ڈی اے ٹیمیں مل کر روزانہ کی بنیاد پر پیچ ورک کریں۔پیچ ورک کے کاموں کی کوالٹی پرکوئ سمجھوتہ نہ کیاجائے۔سڑکوں پر پیچ ورک اور پاتھ ہولز کے کاموں کی جیو ٹیگنگ یقینی بنائی جائے۔تعمیراتی کاموں اور پیچ ورک کے دوران روڈ سائینج اور حفاظتی ایس او پیز کو یقینی بنایا جائے۔اجلاس میں ایل ڈی اے اور ٹیپا کے افسران نے شرکت کی۔
وزیراعلی پنجاب مریم نواز کی ہدایات پرایل ڈی اے،ٹیپاکا لائحہ عمل تیار، 89 اہم شاہراہوں پر پیچ ورک، گڑھوں ،مین ہولزکی مرمت وبحالی کا فیصلہ
