بھاٹی چوک میں ماں اور بچی کے مین ہول میں گر کر جاں بحق ہونے کا معاملہ،ڈی جی ایل ڈی اے طاہر فاروق کی جانب سے سخت ایکشن لے لیا گیا ہے۔
داتا دربار منصوبے پر کام کرنے والی پوری ٹیم معطل کر دیا گیا ہے۔معطل کیے جانے والے افسران میں پراجیکٹ ڈائریکٹر، ڈپٹی ڈائریکٹر، اسسٹنٹ ڈائریکٹر اور سب انجینئر شامل ہیں۔قبل ازیں پراجیکٹ ڈائریکٹر اور ڈپٹی ڈائریکٹر کو معطل کیا گیا تھا۔ڈی جی ایل ڈی اے کا کنٹریکٹر پر فوری مقدمہ درج کرانے کی ہدایت بھی کی ہے۔
ڈی جی ایل ڈی اے کی ہدایت پر کنٹریکٹر کو شو کاز نوٹس جاری کر دیا گیا ہے۔پراجیکٹ پر کام کرنے والی نجی کمپنی کو شو کاز نوٹس جاری کیا گیا ہے۔ڈی جی ایل ڈی اے کی ہدایت پر ریزیڈنٹ انجینئر نیسپاک کو شو کاز نوٹس جاری کیا گیا ہے۔نیسپاک کے ریزیڈنٹ انجینئر کی معطلی اور محکمانہ کارروائی و انکوائری کی سفارش کی گئی ہے۔منصوبے میں نیسپاک ٹیم کے کردار کو بھی انکوائری کا حصہ بنانے کا فیصلہ بھی کیا گیا ہے۔
