گجرات: صوبائی وزیر بلدیات ذیشان رفیق کا کمشنر گوجرانوالہ ڈویژن نوید حیدر شیرازی، ڈپٹی کمشنر صفدر حسین ورک کے ہمراہ شہر کے مختلف علاقوں کا دورہ کیا۔ بارش کے بعد نکاس کے پانی کے نکاس کے عمل کا جائزہ لیا ۔ صوبائی وزیر بلدیات ذیشان رفیق نے اس موقع پر کچہری چوک گجرات میں میڈیا نمائندگان سے گفتگو کرتے ہوئے کہا کہ گجرات شہر میں سیوریج کے مسائل مستقل حل کے لیے پلان وضع کیا جارہا ہے، سیوریج سکیم کے لیے سروے کیا جارہا ہے گجرات شہر کے اسٹیٹ آف دی آرٹ عالمی معیار کے مطابق سیوریج سسٹم لارہے ہیں، گزشتہ روز گجرات شہر میں 84 ملی میٹر بارش ہوئی جبکہ جیل چوک کے اطراف 140 ایم ایم بارش ہوئی شہر سے پانی کے نکاس کے ضلع انتظامیہ اور میونسپل کارپوریشن کے افسران و عملہ فیلڈ میں موجود ہیں، پانی کے نکاس کے لیے ہوی مشینری و ہیومن ریسورس استعمال کیا جارہا ہے صوبائی وزیر بلدیات ذیشان رفیق نے کہا کہ شہریوں کی شکایات کا فوری ازالہ کیا جارہا ہے، تمام ڈسپوزل اسٹیشنز پوری استعداد کے ساتھ چل رہے ہیں تمام دستیاب وسائل کو احسن طریقے سے استعمال کیا جارہا ہے، صوبائی وزیر بلدیات ذیشان رفیق نے ہدایت کی کہ شہر سے پانی کے فوری نکاس کے لیے بہترین اقدامات کئے جائیں، نشینی علاقوں میں خصوصی سیوریج اسکواڈ تعینات کئے جائیں، سیوریج لائنوں اور نالوں کی مسلسل صفائی کی جائے ۔
