خیبر پختونخوا حکومت نے 129 ارب روپے کے مقررہ ہدف کے مقابلے میں 21 ارب روپے زائد آمدن حاصل کر کے نئی تاریخ رقم کر دی

وزیراعلیٰ خیبر پختونخوا محمد سہیل آفریدی کی قیادت میں محکمہ خزانہ نے ایک تاریخی سنگِ میل عبور کرتے ہوئے پہلی بار صوبے کے اپنے وسائل سے آمدن 150 ارب روپے سے تجاوز کر دی۔ خیبر پختونخوا حکومت نے 129 ارب روپے کے مقررہ ہدف کے مقابلے میں 21 ارب روپے زائد آمدن حاصل کر کے نئی تاریخ رقم کی۔گزشتہ مالی سال کی 92.701 ارب روپے آمدن کے مقابلے میں اس سال 60 فیصد سے زائد کا ریکارڈ اضافہ صوبائی حکومت کی مؤثر معاشی حکمتِ عملی، مالی نظم و ضبط اور شفاف طرزِ حکمرانی کا واضح ثبوت ہے۔ یہ کامیابی خیبر پختونخوا کو مالی خود انحصاری کی جانب ایک اہم پیش رفت قرار دی جا رہی ہے۔یہ تاریخی کامیابی وزیراعلیٰ خیبر پختونخوا محمد سہیل آفریدی کی قیادت، مشیرِ خزانہ مزمل اسلم کی نگرانی اور محکمہ خزانہ کی پوری ٹیم کی انتھک محنت، پیشہ ورانہ صلاحیت اور شفاف مالیاتی نظام کا نتیجہ ہے۔