*کمشنر لاہورڈویژن مریم خان کی زیر صدارت ڈویژنل اجلاس۔ بیوٹیفکیشن پراجیکٹس۔ڈویلپمنٹ پراگریس کا جائزہ۔*

کمشنر لاہورڈویژن مریم خان کی زیر صدارت ڈویژنل اجلاس منعقد ہوا۔ اجلاس میں لاہور ڈویژن چاروں اضلاع کے ڈپٹی کمشنرز نے شرکت کی۔ کمشنر لاہور نے ڈویژن میں 30جون تک مکمل ہونے والی سکیمز کا جائزہ لیا۔ انہوں نے بیوٹیفکیشن پراجیکٹس، ڈویلپمنٹ پراگریس، کارکردگی اعشاریوں، پنجاب ڈویلپمنٹ پروگرام اور ڈی سلٹنگ آپریشنز کا جائزہ لیا۔ اس موقع پر تمام ڈی سیز نے جاری ڈویلپمنٹ پراجیکٹ بارے بریفنگ دی۔ انہوں نے بریفنگ دیتے ہوئے کہا کہ لاہور ڈویلپمنٹ پلان کا فیز ون مکمل ہے، دوسری فیز کا مکمل ہونے جارہا ہے، لاہور میں تمام نالوں اور ضلعی سیلابی نالوں میں اریگیشن و ضلعی انتظامیہ ڈی سلٹنگ کررہی ہے۔ کمشنر لاہور نے لاہور کے نالوں سمیت نالہ ڈیک کے ڈی سلٹنگ آپریشنز کی تفصیلات کا خصوصی جائزہ لیا۔ کمشنر لاہور ڈویژن مریم خان نے چاروں اضلاع کے ڈپٹی کمشنرز کو ہدایات جاری کیں۔ انہوں نے کہا کہ پنجاب ڈویلپمنٹ پروگرام کے تحت بیوٹیفکیشن 30جون تک مکمل ہوگی، روزانہ جائزہ لیا جارہا ہے، اضلاع میں پنجاب ڈویلپمنٹ پروگرام کے تحت جاری ہر سکیم ڈیڈلائن کے مطابق مکمل کریں۔ کمشنر لاہور نے کہا کہ ہر تحصیل میں ترقیاتی کاموں کو ٹائم لائنز و ڈیڈلائنز کے تحت معیار کے مطابق مکمل کریں، وزیراعلی پنجاب کے وژن کیمطابق ریونیو، میونسپل خدمات فراہمی کی یکساں اہمیت ہے۔ کمشنر لاہور نے مزید کہا کہ ڈپٹی کمشنرز ضلع کی سطح پر آنے والی ایجینسیز و اتھارٹیز کیلئے مربوط لائحہ عمل تشکیل دیں۔