پیپلز لیبر بیورو سندھ کے صدر حبیب الدین جنیدی کی سربراہی میں پیپلز لیبر بیورو کراچی کے وفد نے وزیر بلدیات سندھ و صدر پاکستان پیپلز پارٹی کراچی ڈویژن سعید غنی سے ان کے دفتر میں ملاقات کی۔
اس موقع پر پیپلز لیبر بیورو کراچی ڈویژن کے صدر اسلم سموں، جنرل سیکرٹری حسین بادشاہ، ڈپٹی جنرل سیکرٹری امین بلوچ، سید مداح حسین شاہ، احمد نواز، زاہد بلوچ، مولانا ابراہیم قادری و دیگر بھی ان کے ہمراہ موجود تھے۔ملاقات میں کراچی سمیت صوبے بھر میں مزدوروں کی فلاح و بہبود کے لئے پیپلز لیبر بیورو کی جانب سے کئے جانے والے اقدامات، کراچی واٹر اینڈ سیوریج کارپوریشن میں ہونے والے متوقع ریفرنڈم، کراچی ڈاک لیبر بورڈ، کے ایم سی، ٹی ایم سیز، ورکرز ویلفیئر بورد سندھ، سندھ ایمپائریز سوشل سیکورٹی انسٹی ٹیوٹ، پورٹ قاسم اتھارٹی، پاکستان اسٹیل ملز، کے ڈی اے، کے پی ٹی اور مزدوروں کو درپیش دیگر امور پر تفصیلی تبادلہ خیال کیا گیا۔
