*لاہور میں کرپشن کے خلاف جنگ: ضلعی انتظامیہ کا شاندار کارنامہ،پرائس کنٹرول میکانزم میں شفافیت، عوام کی خدمت کا عزم* حارث علی، ترجمان ضلعی انتظامیہ

ضلعی انتظامیہ لاہور نے کرپشن کے خلاف ایک بار پھر کامیاب کارروائی کرتے ہوئے ایک کرپٹ پرائس کنٹرول مجسٹریٹ کو رنگے ہاتھوں پکڑ لیا ہے۔ ڈپٹی کمشنر لاہور سید موسیٰ رضا کی ہدایت پر ایڈیشنل ڈپٹی کمشنر جنرل محمد شجعین وسطرو کی سربراہی میں کی گئی انکوائری میں ڈاکٹر صابر نعمان نامی پرائس کنٹرول مجسٹریٹ کو جعلی رسیدیں کاٹنے اور دکانداروں سے رشوت وصول کرنے کا مجرم قرار دیا گیا ہے۔ڈاکٹر صابر نعمان پر الزام تھا کہ وہ دکانداروں سے زیادہ جرمانہ وصول کرتے تھے اور سرکاری خزانے میں کم رقم جمع کراتے تھے۔ انکوائری میں یہ بات سامنے آئی کہ ڈاکٹر صابر نعمان نے دکانداروں کو دی جانے والی رسیدوں میں درج رقم اور ڈی سی آفس میں جمع کروائی جانے والی رسیدوں میں درج رقم میں کافی فرق تھا۔ اس طرح وہ لاکھوں روپے کی رشوت وصول کر رہے تھے۔ڈپٹی کمشنر لاہور سید موسیٰ رضا نے کرپشن کے خلاف سخت موقف اپنایا ہوا ہے۔ انہوں نے واضح کیا ہے کہ ضلعی انتظامیہ کرپشن برداشت نہیں کرے گی اور کرپشن میں ملوث افراد کے خلاف سخت کارروائی کی جائے گی۔ انہوں نے کہا کہ عوام کو لوٹنے والے لٹیروں کو کسی صورت معافی نہیں دی جائے گی۔ایڈیشنل ڈپٹی کمشنر جنرل محمد شجعین وسطرو نے پرائس کنٹرول مجسٹریٹس کے نظام میں شفافیت لانے کے لیے قابل ذکر اقدامات کیے ہیں۔ انہوں نے پرائس کنٹرول میکانزم میں موجود خامیوں کو دور کرنے اور کرپشن کے امکانات کو کم کرنے کے لیے متعدد اقدامات کیے ہیں۔ ان کی کوششوں سے پرائس کنٹرول کا نظام مزید موثر اور شفاف بن رہا ہے۔ضلعی انتظامیہ لاہور شہریوں کی خدمت کے لیے پرعزم ہے۔ ڈپٹی کمشنر لاہور سید موسیٰ رضا کی قیادت میں ضلعی انتظامیہ نے شہر کو ایک بہتر جگہ بنانے کے لیے کئی اہم اقدامات کیے ہیں۔ انہوں نے کرپشن کے خاتمے، عوام کو سہولیات فراہم کرنے اور شہر کو صاف ستھرا رکھنے کے لیے کوششیں کی ہیں۔ ضلعی انتظامیہ لاہور نے کرپشن کے خلاف ایک بہت بڑی کامیابی حاصل کی ہے۔ ڈاکٹر صابر نعمان کے خلاف کارروائی سے کرپشن میں ملوث دیگر افراد کو بھی ایک پیغام دیا گیا ہے کہ قانون سب کے لیے برابر ہے۔ ضلعی انتظامیہ کی یہ کوششیں قابل ستائش ہیں اور امید ہے کہ دیگر حکومتی ادارے بھی ضلعی انتظامیہ لاہور سے سبق لیں گے۔