آزاد کشمیر سروسز اینڈ جنرل ایڈمنسٹریشن ڈیپارٹمنٹ نے متعدد سیکرٹریز کے تقرر و تبادلے کے احکامات جاری کئے ہیں۔سید شاہد محی الدین قادری سیکرٹری ٹرانسپورٹ کو سیکرٹری تعلیم تعینات کردیا گیا ہے۔ارشاد احمد قریشی سیکرٹری توانائی کو سیکرٹری قانون، ظفر محمود خان سیکرٹری سروسز کو پرنسپل سیکرٹری وزیر اعظم کے ساتھ سیکرٹری مواصلات و تعمیرات عامہ کو اضافی چارج بھی دیا گیا ہے۔محمد طیب سیکرٹری ہائر ایجوکیشن کو سیکرٹری توانائی لگا دیا گیا ہے۔سیکرٹری لوکل گورنمنٹ امتیاز احمد کو سیکرٹری سروسز تعینات کردیا گیا ہے۔تہذیب النساء سیکرٹری سپورٹس کو سیکرٹری ہائر ایجوکیشن تعینات کیا گیا ہے۔عنایت علی سیکرٹری ایلیمنٹری اینڈ سیکنڈری ایجوکیشن کو سیکرٹری سپورٹس لگا دیا گیا ہے۔
