لوکل کونسل آفیسرز ایسوسی ایشن خیبر پختونخوا نے صوبائی وزیر بلدیات، دیہی انتخابات و ترقی (Local Government, Rural Elections & Development Department) سے باضابطہ ملاقات کی درخواست کر دی ہے۔ایسوسی ایشن کے صدر سلیم خان کی جانب سے ارسال کردہ مراسلے میں بتایا گیا ہے کہ لوکل کونسل بورڈ کی جانب سے ایسوسی ایشن کی باقاعدہ منظوری کے بعد وزیر بلدیات سے تعارفی ملاقات کی درخواست کی گئی ہے۔ اس ملاقات کا مقصد ٹی ایم ایز (TMAs) کو درپیش انتظامی، مالی اور سروس سے متعلق مسائل پر تفصیلی تبادلہ خیال کرنا اور مقامی حکومتوں کے نظام کو مزید مؤثر بنانے کے لیے تجاویز پیش کرنا ہے۔ایسوسی ایشن کا مؤقف ہے کہ مقامی حکومتوں کو درپیش وسائل کی کمی، ٹیکسیشن، انتظامی امور اور عوامی خدمات کی فراہمی سے متعلق چیلنجز پر تعمیری گفتگو وقت کی اہم ضرورت ہے۔ امید ظاہر کی گئی ہے کہ وزیر بلدیات کے ساتھ یہ ملاقات مقامی حکومتوں کے مسائل کے مؤثر حل اور عوام کو بہتر سہولیات کی فراہمی میں اہم کردار ادا کرے گی۔ایسوسی ایشن نے وزیر بلدیات سے درخواست کی ہے کہ ملاقات کے لیے مناسب تاریخ اور وقت مقرر کرکے جلد از جلد آگاہ کیا جائے تاکہ باہمی مشاورت کے ذریعے مقامی حکومتوں کے نظام کو مزید مضبوط اور فعال بنایا جا سکے۔
Read Next
2 دن ago
خیبر پختونخوا صوبائی ترقیاتی ورکنگ پارٹی کا اجلاس،8 ترقیاتی سکیموں کی منظوری
3 دن ago
چیف سیکرٹری خیبر پختونخوا ڈاکٹر محمد فخر عالم عرفان کی زیرِ صدارت انسدادِ پولیو اقدامات پر اجلاس
4 دن ago
پاکستان ورکرز فیڈریشن اور لوکل گورنمنٹ ایمپلائز فیڈریشن خیبرپختونخوا کی طرف سے محمد حنیف رامے کو بھاری اکثریت سے کامیابی پر مبارکباد
6 دن ago
ڈپٹی کمشنر کوہاٹ گوہر زمان وزیر نے عہدے کا باقاعدہ چارج سنبھال لیا
1 ہفتہ ago






