پنجاب پیف ٹیک(PIFTAC) قائم کرنے والا پہلا صوبہ بن گیا۔وزیراعلیٰ مریم نواز شریف نے پراونشنل انٹیلی جنس فیوژن اسسمنٹ سینٹر کادورہ کیا۔وزیراعلی مریم نواز شریف کو پیف ٹیک اور امن وامان کے دیگر امور پر بریفنگ دی گئی۔پنجاب میں پہلی مرتبہ اینٹی ڈرون یونٹ قائم کرنے کا فیصلہ کیاگیا۔وزیراعلیٰ مریم نواز شریف نے اینٹی ڈرون یونٹ کی منظوری دے دی۔وزیراعلیٰ مریم نواز شریف نے پنجاب میں فوری طور پر سائبرکرائم سیل قائم کرنے کا حکم دیا۔وزیراعلیٰ مریم نواز شریف نے عوام کے جان و مال کا تحفظ یقینی بنانے کے لئے مسلسل کومبنگ آپریشن کی ہدایت کی ہے۔وزیراعلیٰ مریم نوازشریف نے داخلی اور خارجی راستوں پر جدید ترین سپیشل ڈیجیٹل سیکنر لگانے کے لئے فوری اقدامات کا حکم دیا ہے۔عوام کے جان و مال کے تحفظ کو یقینی بنانے کے لئے تمام اضلاع کے ڈپٹی کمشنرز کے لئے خصوصی ڈیش بورڈ بھی قائم کیے گئے۔وزیراعلیٰ مریم نواز شریف نے دہشتگروں اور جرائم پیشہ افراد کی سرکوبی کے لئے وسل بلویئر سسٹم مستحکم کرنے کا حکم دیا ہے۔وزیراعلیٰ مریم نوازشریف نے کہا کہ پیف ٹیک میں سائبر سیکیورٹی اور دیگر امور کیلئے اے آئی حب بھی قائم کی جائے گی۔ وزیراعلیٰ مریم نواز شریف نے ہدایت کی کہ دہشت گردوں کی کارروائی پر ری ایکشن کی بجائے پیشگی کارروائی کی پالیسی اپنائی جائے۔انہوں نے کہا کہ پنجاب کو محفوظ ترین صوبہ بنانے چاہتے ہیں، عوام کے تحفظ کے لئے تمام وسائل بروئے کار لائیں گے۔
