کمشنر لاہور مریم خان نے لاہور شہر میں تیز بارش کے باعث نکاسیئ آب انتظامات جائزہ کے لئے مختلف علاقوں کا دورہ کیا۔ کمشنر لاہور نے فیروز پور روڈ قرطبہ چوک پر جاری نکاسی آب آپریشن کا جائزہ لیا۔ اس موقع پر ایم ڈی واسا غفران احمد نے انتظامات بارے ان سپاٹ بریفنگ دی۔کمشنر لاہور مریم خان نے لاہور شہر میں تیز بارش کے باعث نکاسیئ آب کے لیے واسا، ضلعی انتظامیہ و متعلقہ محکموں کو ہدایات جاری کیں۔ کمشنر لاہور نے کہا کہ لاہور شہر کے 16مقامات سے بارش کو ریکارڈ کیا جارہا ہے، واسا انتظامیہ نکاسیئ آب کیلئے مشینری فعال اور ڈسپوزل سٹیشنز پر بیک اپ کو فعال رکھے، شہر کے تمام سورنگ مقامات پر کیمپس نکاسی آب کیلئے فعال رکھے جائیں۔ انہوں نے کہا کہ نشیبی علاقوں اور مین روڈ ز سے منسلک ایریا میں ایمرجنسی ٹیمیں نکاسی آب کو ممکن بنائیں۔ کمشنر لاہور نے کہا کہ واسا، ایل ڈی اے، ایم سی ایل، سی بی ڈی کی ٹیمیں اپنے اپنے ایریاز میں متحرک رہیں، انڈرپاسز میں نکاسیئ آب کیلئے مشینری فعال رکھی جائے، تمام ڈسپوزل سٹیشنز کو پوری گنجائش سے فعال رکھا جائے اور مزید زیادہ بارش کیصورت میں ایمرجنسی ٹیمیں فوری ردعمل دینے کیلئے تیار رہیں۔ کمشنر لاہور نے مزید کہا کہ اے سیز اپنی تحصیلوں کو نکاسیئ آب کے لیے مانیٹر کریں اور ضروت پر ردعمل دیں۔
کمشنر لاہور مریم خان کا شہر میں تیز بارش کے باعث نکاسی آب انتظامات جائزہ کے لئے مختلف علاقوں کا دورہ
