وزیراعلیٰ پنجاب مریم نوازشریف کی زیر صدارت خصوصی اجلاس منعقد ہوا جس میں لاہور ڈویلپمنٹ پلان پر پیش رفت کا جائزہ لیا گیا۔سینئر منسٹر اور چیف سیکرٹری کو لاہور ڈویلپمنٹ کی بروقت تکمیل کا ٹاسک سونپ دیا گیا۔وزیراعلٰی مریم نواز شریف نے لاہور ڈویلپمنٹ پلان کے لئے ماہانہ ٹائم لائن مقررکرنے کی ہدایت کی۔
لاہور ڈویلپمنٹ پلان کے پہلے فیز کا مرحلہ وار جائزہ لیا گیا۔وزیراعلیٰ مریم نوازشریف نے پراجیکٹس کا تصویری معائنہ بھی کیا۔میٹروپولیٹن کارپوریشن لاہور کی 3705 اور واسا کے زیر اہتمام230 سٹریٹس کی تعمیر و بحالی کے لئے 30جون کی ڈیڈ لائن جبکہ واسا ورکس کے لئے 1573 گلیوں کی تعمیر و مرمت کے لئے31جولائی کی حتمی ڈیڈ لائن مقررکر دی گئی۔لاہور ڈویلپمنٹ پلان فیز ٹو میں علامہ اقبال، عزیز بھٹی اور واہگہ ٹاؤن میں گلیوں کی تعمیر ومرمت اور دیگر پراجیکٹ شامل کئے گئے ہیں۔وزیراعلٰی مریم نواز شریف نے کہا کہ ترقیاتی سکیموں کی تکمیل میں تاخیر سے عوام کی روزمرہ زندگی متاثرہوتی ہے۔ خود کو عوام کے سامنے جوابدہ سمجھتی ہوں، مشکل میں نہیں دیکھ سکتی۔
