صوبائی کابینہ کا 25واں اجلاس وزیر اعلیٰ خیبر پختونخوا علی امین خان گنڈا پور کی زیر صدارت منعقد ہوا۔
جسمیں اہم فیصلوں کی منظوری دی گئی- ان فیصلوں کے مطابق صوبے کے دس لاکھ غریب خاندانوں کے لئے رمضان/عید پیکیج کے لئے فنڈ کی منظوری، غرباء، یتیموں اور ٹرانسجنڈر افراد کو شفاف طریقے سے پیکیج فراہم کیا جائے، دہشتگردی سے متاثرہ غریب خاندانوں کو پیکیج میں شامل رکھا جائے، غریب معزور افراد کا خصوصی خیال رکھا جائے، صوبے کے تمام ٹرانسجنڈر افراد کو پیکیج دیا جائے، پیکج کی تقسیم 15رمضان سے پہلے مکمل کی جائے- محکمہ خزانہ سرکاری ملازمین کو 25 فروری کو تنخواہوں کی ادائیگی یقینی بنائے- کابینہ اجلاس میں ایبٹ آباد پبلک سکول میں زیرِ تعلیم 15 یتیم طلبہ کے لئے 4.920 ملین روپے کی سالانہ گرانٹ منظور کی گئی- ارباب نیاز کرکٹ سٹیڈیم کو عمران خان کرکٹ سٹیڈیم کرنے کی منظوری دی گئی- سپریم کورٹ کے فیصلے کی رو سے کیڈٹ کالج سوات فیز-III پروجیکٹ کے لیے زمین کی لاگت میں اضافے کے تحت فنڈز کی منظوری دی گئی- ایلیمنٹری اینڈ سیکنڈری ایجوکیشن فاؤنڈیشن کے 3687 اساتذہ کے تنخواہوں کے لئے 1028.673 ملین روپے جاری کرنے کی منظوری بھی دے دی گئی۔بس اڈوں کی بہتر انسپکشن کے لئے موٹر وہیکل رولز 1969 میں ترامیم منظور کی گئی- محکمہ اوقاف کے لئے گرانٹ کی منظوری دی گئی- بی ایس نرسنگ گریجویٹس کے لئے ماہانہ 31000 روپے انٹرنشپ منصوبے کی منظوری بھی شامل ہے- سائنس، ٹیکنالوجی و آئی ٹی کے لئے خیبرپختونخوا گورنمنٹ رولز آف بزنس 1985 میں ترامیم منظور کر لی گئی۔
