وزیراعلٰی پنجاب کی ہدایات پر اہم شاہراہوں پر پیچ ورک کے لئے ڈی جی ایل ڈی اے طاہر فاروق کی زیر نگرانی ایل ڈی اے، ٹیپا ٹیمیں متحرک ہیں۔ ڈی جی ایل ڈی اے طاہر فاروق نےگلبرگ کے مختلف علاقوں کا دورہ کیا۔
ڈی جی ایل ڈی اے طاہر فاروق نے حالی رود، مین بلیوارڈ گلبرگ اور حفیظ سنٹرکا دورہ کیا۔ اس موقع پر چیف انجینئر ایل ڈی اے اسرار سعید بھی ہمراہ تھے۔ڈی جی ایل ڈی اے طاہر فاروق نے حالی روڈ، مین بلیوارڈ گلبرگ اور حفیظ سینٹر کے اطراف جاری پیچ ورک کے کاموں کا جائزہ لیا۔ڈی جی ایل ڈی اے طاہر فاروق نے کہا کہ گلبرگ سکیم کے مختلف بلاکس میں گڑھوں پر پیچ ورک کیا جا رہا ہے۔وزیراعلی پنجاب مریم نواز کی ہدایت پر پہلے مرحلے میں ایل ڈی اے کنٹرولڈ ایریا کی 89 مین شاہراہوں پر پیچ ورک مکمل کر رہے ہیں۔پہلے مرحلے میں صوبائی دارالحکومت کے 300 کلومیٹر ایریا کو کلیئر کر رہے ہیں۔ایل ڈی اے اور ٹیپا ٹیموں نے گزشتہ 24 گھنٹوں میں 150 سے زائد مقامات پر پیچ ورک کیا ہے، مجموعی طور پر ایل ڈی اے اور ٹیپا نے 540 سے زائد مقامات پر پیچ ورک کیا۔دی جی ایل ڈی اے طاہر فاروق نے کہا کہ ایل ڈی اے ٹیمیں جوہر ٹاؤن اور گلبرگ کے مختلف بلاکس میں پیچ ورک کر رہی ہیں۔ایل ڈی اے ٹیمیں کینال روڈ،پیکو روڈ،قاضی عیسیٰ روڈ، عبدالستار ایدھی روڈ،فیروز پور روڈ پر پیچ ورک کا کام کر رہی ہیں۔ایل ڈی اے ٹیمیں شاہ عالم روڈ،برکی روڈ،گارڈن ٹاﺅن اور غزن روڈ پر بھی پیچ ورک کا کام کر رہی ہیں۔ٹیپا ٹیمیں مین بلیوارڈ علامہ اقبال ٹاؤن، سبزہ زار، وحدت روڈ اور ایجرٹن روڈ پر پیچ ورک کے کام کر رہی ہیں۔ ڈی جی ایل ڈی اے نے کہا کہ وزیراعلی پنجاب کی خصوصی ہدایات پر شاہراہوں کو گڑھوں سے کلیئر کر رہے ہیں۔سڑکوں سے گڑھے ختم کرنے سے شہریوں کو ریلیف ملے گا۔اس موقع پر پراجیکٹ ڈائریکٹر ایل ڈی اے، کنٹریکٹر اور متعلقہ عملہ موجود تھا۔
