وزیراعلٰی پنجاب مریم نواز شریف کے وژن ستھرا پنجاب پر عملدرآمد یقینی بنانے کے لیے ایل ڈبلیو ایم سی کا صفائی آپریشن زور و شور سے جاری ہے افسران اور ورکرز فیلڈ میں متحرک ہیں۔سی ای او بابر صاحب دین نے علامہ اقبال ٹاؤن، سبزہ زار اور سمن آباد کے گلی محلوں میں سر پرائز چیکنگ میں دبئی چوک تا ملتان روڈ، کھاڑک نالے کے اطراف سروس لینز پر صفائی انتظامات کا جائزہ لیا۔یتیم خانہ چوک سے بابو صابو تک ماڈل روڈ بنانے کی ہدایت کرتے ہوئے کھاڑک نالے کی سروس لینز سے ملبے کی چھوٹی ڈھیریاں فوری کلیئر کرنے اوردوکانداروں کو ڈور ٹو ڈور سروس دینے، سڑک کے درمیان مزید ویسٹ بنز لگانے اور زیادہ رش والی جگہوں پر گاڑیوں کے ٹرپس بڑھانے کے احکامات صادر کیے۔ نظام بلاک، کریم بلاک، عمر بلاک، اور نشتر بلاک سے ملحقہ گلیوں میں مینوئل سویپنگ کا جائزہ لیا۔مرغزار روڈ، سبزہ زار مارکیٹ، سپورٹس کمپلیکس، بٹ چوک، لیاقت چوک کے اطراف گلی محلوں میں جبکہ یتیم خانہ چوک، گلشن راوی، سمن آباد ڈونگی گراؤنڈ، سیر گاہ پوائنٹ کا بھی دورہ کیا۔گلی محلوں میں موجود چھوٹی مارکیٹس میں صفائی انتظامات کے جائزے کے دوران علاقہ مکینوں سے بات چیت کی، رہائشیوں کی جانب سے صفائی کے بہترین انتظامات پر اظہار اطمینان پر سی ای او ایل ڈبلیو ایم سی کا کہنا تھا کہ لاہوریوں کو صاف ستھرا ماحول فراہم کرنے کیلئے تمام وسائل استعمال میں لائے جا رہے ہیں۔ ایل ڈبلیو ایم سی صفائی ٹیمیں تینوں شفٹوں میں فیلڈ میں متحرک ہیں۔ شہریوں سے گزارش ہے کہ اپنے ارد گرد کا ماحول صاف رکھنے میں ایل ڈبلیو ایم سی ٹیموں کا ساتھ دیں۔ صفائی سے متعلق شکایات کے ازالے کے لئے ایل ڈبلیو ایم سی کی ہیلپ لائن 1139 پر رابطہ کریں یا سوشل میڈیا کا استعمال کریں ۔
سی ای او بابر صاحب دین کی علامہ اقبال ٹاؤن، سبزہ زار، اور سمن آباد کے گلی محلوں میں سر پرائز چیکنگ،یتیم خانہ چوک سے بابو صابو تک ماڈل روڈ بنانے کی ہدایت جاری
