وزیر اعلیٰ خیبرپختونخوا سردار علی امین خان گنڈاپور کی زیر صدارت محکمہ لوکل گورنمنٹ کا اہم اجلاس منعقد ہوا۔اجلاس میں
محکمے کے موجودہ نظام میں اصلاحات پر تفصیلی غور و خوص اہم فیصلے کئے گئے۔
صوبے کی آمدن بڑھانے کے لئے محکمہ بلدیات کی جائیدادوں کے مؤثر استعمال کے لئے صوبائی حکومت کا اہم اقدام۔ 
اجلاس میں لوکل گورنمنٹ کے پراپرٹی لیز رولز کے مسودے کو حتمی شکل دے دی گئی۔
لوکل گورنمنٹ پراپرٹی لیز رولز 2024 حتمی منظوری کے لئے کابینہ کو پیش کیے جائیں گے۔
مجوزہ رولز کے تحت بڑے پیمانے پر نجی سرمایہ کاری کے لئے پراپرٹی لیزز کی مدت 99 سال تک بڑھانے کی تجویز۔
پچاس کروڑ روپے سے زائد کی سرمایہ کاری پر ابتدائی لیز کی مدت 66 سال تجویز۔
یہ مدت مزید 33 سالوں کے لیے قابل توسیع ہوگی۔
50 کروڑ روپے تک کی سرمایہ کاری پر ابتدائی لیز کی مدت 33 سال ہو گی جو مزید 33 سالوں کے لئے قابل توسیع ہوگی۔
20 کروڑ روپے تک کی سرمایہ کاری پر بنیادی لیز کی مدت 33 سال تجویز، جو مزید 15 سالوں تک قابل توسیع ہوگی۔
مجوزہ رولز میں لیز ہولڈر کی وفات کی صورت میں لیز قانونی وارث کو منتقل کرنے کی تجویز
محکمہ بلدیات کی جائیدادوں کو لیز پر دینے کے لئے متعلقہ ڈپٹی کمشنر کی سربراہی میں لیز کمیٹی تشکیل دی جائے گی۔
لیزنگ کے لیے ان لائن سسٹم کا نظام متعارف کیا جائے تاکہ بیرون ممالک موجود سرمایہ کار بھی بآسانی مستفید ہو سکیں، وزیر اعلیٰ
ہم نے اپنے سسٹم کو مضبوط اور سرمایہ کاروں کو سہولیات فراہم کرنی ہیں، علی امین گنڈاپور
حتمی مقصد اپنے وسائل سے بھرپور استفادہ کر کے صوبے کی آمدن میں اضافہ کرنا ہے، وزیر اعلیٰ کے پی کے
اجلاس میں صوبے کے تمام اضلاع میں ٹی ایم ایز کی زیر نگرانی فروٹ اینڈ ویجیٹیبل مارکیٹس قائم کرنے کا فیصلہ۔
فروٹ اینڈ ویجیٹیبل مارکیٹس کے قیام کے لئے نجی سرمایہ کاروں کی حوصلہ افزائی کی جائے گی۔
اجلاس میں اس مقصد کے لئے متعلقہ لیگل فریم ورک میں ترامیم کو بھی حتمی شکل دی گئی۔
یہ ترامیم حتمی منظوری کے لئے کابینہ کے اگلے اجلاس میں پیش کی جائیں گی ۔
ہم نے نہ صرف نئی منڈیاں قائم کرنی ہیں بلکہ پہلے سے موجود منڈیوں کو بھی ریگولیٹ کرنا ہے، وزیر اعلیٰ
نئی منڈیوں کے قیام کا مقصد لوگوں کو سہولیات کی فراہمی ہے، علی امین گنڈاپور
منڈیاں جتنی زیادہ ہوں گی اسی قدر معیار اور قیمتوں کو استحکام ملے گا۔ وزیر اعلیٰ
یہ منڈیاں ضرورت کی بنیاد پر مناسب مقامات پر قائم کی جائیں، وزیر اعلیٰ
اجلاس میں تحصیل میونسپل ایڈمنسٹریشن کے جملہ معاملات کو ڈیجیٹائز کرنے کا بھی فیصلہ۔
وزیر اعلیٰ کا محکمہ لوکل گورنمنٹ کی ڈیجٹلائزیشن کے مجوزہ پلان سے بھی اتفاق۔
ڈیجٹلایزیشن پلان میں ای ٹی ایم ایز، انٹگریٹڈ پورٹل، ڈیش بورڈ کا قیام اور ڈیجیٹل پیمنٹس شامل۔
ریونیو جنریشن، پرفارمنس مینجمنٹ اور پبلک سروس ڈیلیوری بھی پلان کے اہم فیچرز ہیں۔
وزیر اعلیٰ کی ڈیجیٹائزیشن کے منصوبے پر بلاتاخیر عمل درآمد شروع کرنےکی ہدایت
محکمہ کے ملازمین، پراپرٹیز، لیزز، پیمنٹس، ریونیو کولیکشن اور پرفارمنس سمیت تمام امور ڈیش بورڈ پر دستیاب ہونے چاہئیں، وزیر اعلیٰ
ٹی ایم ایز کی ہر قسم کی ٹرانزیکشنز بینک اکاؤنٹس کے ذریعے یقینی بنائی جائیں، وزیر اعلیٰ
ٹی ایم ایز ورکرز فرنٹ لائن پر کام کرتے ہیں، ہم نے ان کے بارے منفی تاثر کو ختم کرنا ہے، وزیر اعلیٰ
لوکل گورنمنٹ کا سکوپ بہت وسیع ہے، اس کے تمام ذیلی اداروں کو مضبوط بنانا ہو گا۔ وزیر اعلیٰ
