پنجاب حکومت کا صوبہ میں ماحول دوست ٹرانسپورٹ کے فروغ کے لیے بڑا اقدام-سرکاری محکموں میں پیٹرول، ڈیزل گاڑیوں کی خریداری پر مکمل پابندی عائد کرنے کا فیصلہ کر لیاگیا ہے-آئندہ صرف الیکٹرک یا ہائبرڈ گاڑیاں خریدی جا سکیں گی-فیلڈ ڈیوٹی پر مامور گاڑیاں پابندی سےمستثنیٰ قرار ،نئی الیکٹرک وہیکل پالیسی کا اعلان جلد متوقع ہے۔چیف سیکرٹری پنجاب زاہد اختر زمان نے ایک اجلاس کی صدارت کرتے ہوئے کہا کہ نئے پٹرول پمپس کے لیے این او سی کی منظوری اب الیکٹرک چارجنگ یونٹ لگانے سے مشروط ہوگی۔ کسی بھی نئے پیٹرول پمپ کو الیکٹرک چارجنگ یونٹ کی تنصیب کے بغیر کام کرنے کی اجازت نہیں ہوگی۔ ماحولیاتی تحفظ کے لیے ‘گرین انرجی’ کا فروغ ترجیح ہے۔این او سی حاصل کرنے والے نئے 170 پٹرول پمپس پر الیکٹرک چارجنگ یونٹس کی تنصیب لازمی قرار۔31 شہروں میں 170نئے پیٹرول پمپس کیلئے ای بز پورٹل کے ذریعے این او سیز جاری کئے گئے ہیں۔ فیصل آباد میں 29، لاہور 14، بہاولپور 10، خانیوال، بہاولنگر میں 9 نئے پیٹرول پمپس کو الیکٹرک چارجنگ کی سہولت فراہم کرنے کا پابند کیا۔
پنجاب میں سرکاری محکموں میں پیٹرول، ڈیزل گاڑیوں کی خریداری پر مکمل پابندی عائد کرنے کا فیصلہ
