چیف سیکرٹری پنجاب زاہد اختر زمان کی زیر صدارت سول سیکرٹریٹ میں اجلاس،گداگری کی روک تھام، پتنگ بازی پر پابندی کے نفاذ، ٹریفک منیجمنٹ اور پرائس کنٹرول اقدامات کا جائزہ لیا گیا۔اجلاس میں قیمتوں کی موثر نگرانی کیلئے پرائس مجسٹریٹس کی تعداد بڑھانے کا فیصلہ کیا گیا۔چیف سیکرٹری پنجاب زاہد اختر زمان نے کہا کہ ڈپٹی کمشنرز آٹا، روٹی سمیت اشیائے خورونوش کی مقررہ قیمتوں پردستیابی یقینی بنائیں۔ شہروں میں ٹریفک کی روانی بہتر بنانے کے لیے نئےمینجمنٹ پلان پر عملدرآمد کرایا جائے۔پتنگ بازی پر پابندی کی خلاف ورزی کرنے والوں کیلئے زیرو ٹالرنس پالیسی ہے۔اضلاع میں پتنگ بازی پر پابندی پر عملدرآمد کرانے کیلئے پولیس اور ضلعی انتظامیہ کو سخت کارروائی کا ٹاسک۔گداگری کی روک تھام کیلئے مہم تیز کرنے کا حکم دیتے ہوئے ہدایت کی کہ خواتین اور بچوں سے بھیک منگوانے والے منظم گروہوں کیلئے سخت سزا تجویز کی جائے۔
