پنجاب پلاننگ اینڈ ڈویلپمنٹ بورڈ نے مالی سال 2024-25 کے صوبائی ڈویلپمنٹ ورکنگ پارٹی کے 71 ویں اجلاس میں مختلف ڈویلپمنٹ سیکٹرز کی 4 ترقیاتی سکیموں کے لیے مجموعی طور پر 5 ارب 5کروڑ 22لاکھ 48
ہزار روپے کے فنڈز کی منظوری دی۔
اجلاس کی صدارت چیئرمین پلاننگ اینڈ ڈویلپمنٹ بورڈ بیرسٹر نبیل احمد اعوان نے کی۔ صوبائی ورکنگ پارٹی کے اجلاس میں ترقیاتی بورڈ کی جانب سے جن سکیموں کی منظوری دی گئی ان میں گجرات سرگودھا روڈ (گجرات شہر تا منگوال) کی بحالی (ترمیمی) کیلئے 1 ارب 23کروڑ 64لاکھ 5ہزار روپے، خوشاب کی تحصیل نور پور تھل میں نور پور تھل تا جھنگ روڈ برآستہ دادووالا، شاہ حسین سنگل روڈ کی کشادگی و بہتری (ترمیمی) کیلئے 1 ارب 36کروڑ 71لاکھ 12ہزار روپے، پنجاب میں لیموں کی پیداوار بڑھانے کے شعبے کی بحالی کیلئے 1 ارب 43کروڑ 45لاکھ 40ہزار روپے اور چنیوٹ میں 125بستروں پر مشتمل ڈی ایچ کیو ہسپتالوں کے قیام کیلئے 1 ارب 1کروڑ 41لاکھ 91ہزار روپے شامل ہیں۔اجلاس میں صوبائی سیکرٹری پی اینڈ ڈی بورڈ ڈاکٹر آصف طفیل سمیت متعلقہ سیکرٹریز، محکمہ جات کے اعلی افسران اور پنجاب پلاننگ اینڈ ڈویلپمنٹ بورڈ کے ممبران نے شرکت کی۔
