وزیراعلیٰ پنجاب نے پیرا کو رمضان المبارک میں مہنگائی کی روک تھام، منافع خوروں اور ذخیرہ اندوزوں کے خلاف کارروائی کا حکم دے دیا

وزیراعلیٰ پنجاب مریم نواز شریف نے پیرا کو رمضان المبارک میں مہنگائی کے روک تھام، منافع خوروں اور ذخیرہ اندوزوں کے خلاف کارروائی کا حکم دیا ہے وزیراعلیٰ مریم نواز شریف نے ماہ رمضان میں 40 لاکھ خاندانوں کو رمضان نگہبان کارڈدینے کا اعلان بھی کیا۔ وزیراعلیٰ مریم نواز شریف نے ماہ رمضان المبارک میں مارکیٹوں، شاپنگ سنٹر کے اوقات کار کی پابندی ہٹانے کابھی اعلان کیا۔ رمضان نگہبان پروگرام کے حوالے سے منعقد اجلاس سے خطاب کرتے ہوئے وزیراعلیٰ مریم نواز شریف نے کہا کہ رمضان المبارک میں تمام کمشنر اور ڈپٹی کمشنر ز اپنے فرائض بخوبی سرانجام دیں گے۔ ماہ رمضان میں مہنگائی کا جن باہر نکل آتا ہے۔ رمضان المبارک رحمتوں کا مہینہ ہے۔رمضان المبارک میں مہنگائی کو کنٹرول کرنے کیلئے خصوصی انتظامات کیے گئے ہیں۔دنیا بھر میں رمضان المبارک کے دوران خصوصی اقدامات کیے جاتے ہیں۔افسوس سے کہنا پڑرہا ہے کہ رمضان المبارک میں پاکستان بھر میں مہنگائی کی لہر پیدا ہوجاتی ہے۔ملک میں زیادہ ترآبادی مہنگائی کا بوجھ برادشت نہیں کر سکتی۔یورپ اور دیگر غیر مسلم ملکوں میں بھی رمضان المبارک کے خصوصی سٹال لگائے جاتے ہیں۔ وزیراعلیٰ مریم نواز شریف نے کہا کہ رمضان المبارک میں ریاست اور مخیر حضرات کے ملکرکام کرنے سے بہت فرق پڑے گا۔ رمضان المبارک میں مجھ سمیت تمام متعلقہ اداروں کو اپنی ذمہ داری ادا کرنی ہے۔بے روزگار اور مالی مشکلات کا شکار افراد کو ریاست کے پاس نہیں انا پڑے گا بلکہ ریاست خود معاونت کرے گی۔ انہوں نے کہا کہ ضرورت مند خاندانوں کو حکومت گھر کی دہلیز پر حق پہنچائے گی۔ 4 لاکھ سے زائد رمضان نگہبان کارڈ گھروں کی دہلیز پر پہنچائے جاچکے ہیں۔ 10 رمضان المبارک تک 40 لاکھ خاندانوں کو رمضان نگہبان کارڈ مہیا کر دیئے جائیں گے۔وزیراعلیٰ مریم نواز شریف نے عوام سے اپیل کی ہے کہ رمضان نگہبان کارڈ کو استعمال کے بعد ضائع نہیں کرنا، آئندہ بھی ریلیف فراہم کیا جائے گا۔ رمضان المبارک میں سہولت بازاروں سے بھی عوام کو ریلیف دیا جائے گا۔اشیائے خوردنوش کے حصول کے لئے کسی کو بھی قطار میں لگنا نہیں پڑے گا۔تمام اضلاع میں انتظامیہ کو رمضان المبارک میں عوام کو ریلیف یقینی بنانے کی بھرپور ذمہ داری نبھانی ہے۔وزیر اعلیٰ مریم نواز شریف نے کہا کہ رمضان المبارک میں 40 لاکھ سے زائد خاندانوں کو10,10 ہزار روپے کی امداد فراہم کی جائے گی۔رمضان نگہبان کارڈ سے بھی عوام کو ریلیف کی سہولت ملے گی۔ رمضان نگہبان کارڈ سے تمام افراد اے ٹی ایم سے رقم نکلوا سکتے ہیں۔ کمشنر، ڈپٹی کمشنر سمیت سب کو برکتوں کے مہینے میں اپنا حصہ ڈالنا ہوگا۔ رمضان المبارک میں مزدور کارڈ والوں کو 7ہزار روپے اضافی فراہم کی جائیں گے۔نگہبان رمضان کارڈ کے لئے 167 کیمپ سائٹس تمام اضلاع میں فنکشنل کر دیئے گئے ہیں۔نگہبان رمضان کارڈ سے تمام کیمپ سائٹ پر کیش نکلوائی جا سکتی ہے۔ وزیراعلیٰ مریم نواز شریف نے کہا کہ جو بھی رمضان نگہبان کارڈ کے سلسلے میں عوام سے پیسے مانگے گا اس کو سخت سزا دی جائے گی۔ جو بھی ایجنٹ پیسے مانگے فوری رپورٹ کریں سخت کارروائی ہوگی۔ سہولت بازاروں سے عوام کو فری ہوم ڈیلیوری بھی کی جائے گی۔ وزیراعلیٰ مریم نواز شریف نے پرائس کنٹرول کمیٹیاں کو مہنگائی کے روک تھام کے لئے سخت کارروائی کرنے کی ہدایت کی۔ رمضان المبارک میں پیرا کے اہلکار نرخوں پر اشیاء کی فراہمی کو یقینی بنائیں گے۔ وزیراعلیٰ مریم نواز شریف نے کہا کہ پیرا فورس کو آج سے ہی صوبے بھر میں مہنگائی کے خلاف سخت کارروائی کریں۔ ناجائزمنافع خوروں کو سخت سے سخت کارروائی کا سامنا کرنے پڑے گا۔پنجاب کے تمام شہروں میں سہولت بازار اور رمضان بازار مکمل طور پر فعال کر دیئے گئے ہیں۔ سہولت بازاروں سے لاکھوں نہیں بلکہ کروڑوں کی تعداد میں عوام خریداری کررہے ہیں۔ سہولت بازاروں میں اشیائے خوردونوش مارکیٹ سے 15 فیصد سستی مل رہی ہیں۔ وزیراعلیٰ مریم نواز شریف نے کہا کہ مری، رحیم یار خان، اٹک، کوٹ ادو، بہاولنگرتلہ گنگ، جہلم، منڈی بہاوالدین، اورننکانہ صاحب میں رمضان بازار اورسہولت بازاروں کو فعال کر دیا ہے۔ بورے والا، ملتان اور بہاولنگر میں بھی رمضان بازار اور سہولت بازار فنکشنل کر دیئے گئے ہیں۔تمام سہولت بازاروں کو رمضان بازاروں میں تبدیل کر دیا گیا ہے۔ سہولت بازاروں میں بزرگوں، خواتین کے بیٹھنے اور بچوں کے کھیلنے کے لئے ایریا موجود ہے۔ تمام سہولت بازاروں میں ٹائلٹ اور صفائی ستھرائی کا خاص خیال رکھا جارہا ہے۔ افضل کھوکھر اور ان کی پوری ٹیم کو سہولت بازارشاندار ماڈل متعارف کرانے پر مبارکباد کے مستحق ہیں۔ضرورت مند اور معاشی طور پر کمزور افراد سہولت بازار سے راشن خریدیں۔ وزیراعلیٰ مریم نواز شریف نے کہا کہ صاحب حیثیت افراد اپنے دستر خوان غریب اور روزے داروں کو وسیع کریں۔147 شہروں میں 300کے قریب دستر خوان لگائے جائیں گے۔ تمام دسترخوان میں اعلیٰ کوالٹی کاکھانا مہیا کیا جائے گا۔ پورے صوبے میں دس کلو آٹے کی قیمت900 روپے پر فروخت ہورہا ہے۔وزیراعلیٰ مریم نواز شریف نے کہا کہ رمضان المبارک میں مساجد، لاری اڈوں، ریلوے اسٹیشن پر سیکورٹی کے غیر معمولی انتظامات کیے جائیں۔رمضان المبارک کے دوران صفائی ستھرائی کا خاص خیال رکھا جائے۔ رمضان المبارک میں تمام شہروں میں صاف ستھرا ماحول فراہم کریں گے۔رمضان المبارک میں تمام شہروں کو خصوصی طور پر سجایا جارہا ہے۔