ڈی جی ایل ڈی اے طاہرفاروق کی ہدایت پرگلبرگ میں تجاوزات کے خلاف اور بلڈنگ فساڈ کی بہتری بارے آگاہی مہم جاری ہے، ایل ڈی اے ہاؤسنگ اورٹاون پلاننگ افسران نے تجاوزات کے خلاف آگاہی کے لیے گلبرگ کے مختلف بلاکس کادورہ کیا۔ ڈائریکٹرہاؤسنگ شہبازالحق گھرکی، ڈائریکٹر ٹاؤن پلاننگ سدرہ تبسم ودیگر افسران نے ظہورالہی روڈ،مین مارکیٹ گلبرگ کے اطراف دورہ کیا۔تجاوزات کے خلاف آگاہی مہم میں ڈائریکٹر ہاؤسنگ،ڈائریکٹرٹاون پلاننگ، پی ایچ اے اور انفورسمنٹ اسکواڈ شامل ہیں۔ایل ڈی اے افسران نے رہائشی وکمرشل املاک کے مالکان کوتجاوزات ازخود ختم کرنے کی ہدایت کی،رائٹ آف وے،پارکنگ ایریازسے تجاوزات چندروز میں ختم کردی جائیں،کمرشل املاک کے فساڈ کو بہتر بنانے کے لیے اقدامات کیے جائیں۔ ڈی جی ایل ڈی اے کی ہدایت پر گلبرگ میں سسٹین ایبل ماڈل ڈویلپمنٹ پرکام تیزی سے جاری ہے۔کمرشل املاک سے 30فٹ تک رائٹ آف وے سے تجاوزات اورغیرقانونی سائن بورڈزہٹائے جائیں گے۔ایل ڈی اے آئندہ ہفتے گلبرگ سکیم میں تجاوزات کے خلاف گرینڈ آپریشن کا آغاز کرے گا۔پہلے مرحلے میں ظہورالہی روڈ سے آپریشن شروع کیا جائے گا۔
