اسلام آباد میں ماحول دوست پبلک ٹرانسپورٹ کے فروغ کیلئے بڑا اقدام۔وفاقی وزیر داخلہ محسن نقوی نے نئی الیکٹرک بسوں۔الیکٹرک بسوں کے ڈپو اور چارجنگ سنٹر کا افتتاح کر دیا۔ اسلام آباد میں مجموعی طور پر الیکٹرک بسوں کی تعداد 160 تک پہنچ گئی ہے ۔وزیر داخلہ محسن نقوی نے الیکٹرک بس میں متعلقہ افسران کے ساتھ سفر کیا۔وزیرداخلہ محسن نقوی کو نئی الیکٹرک بسوں۔ بس ڈپو اور چارجنگ کی سہولت بارے تفصیلی بریفنگ دی گئی۔ وفاقی وزیر داخلہ محسن نقوی نے افتتاحی تقریب سے خطاب کرتے ہوئے کہا کہمنصوبے کی کامیاب تکمیل پر پوری ٹیم کو مبارکباد پیش کرتا ہوں۔اسلام آباد کے 1 لاکھ 25 ہزار شہری روزانہ ان بسوں میں سفر کر رہے ہیں۔ مسافروں کی تعداد 2 لاکھ 50 ہزار یومیہ تک لے کر جانے کا ہدف مقرر کیا گیا ہے،طلباء و طالبات کے روٹس کا خصوصی خیال رکھا جائے گیا ہے۔ وفاقی وزیرداخلہ محسن نقوی نے الیکٹرک بس سروس کو راوت تک توسیع دینے کا اعلان کیا۔ وزیر داخلہ محسن نقوی نے کہا کہ میٹرو کے ساتھ الیکٹرک بس سروس ٹریفک مسائل کے حل میں مددگار ثابت ہورہی ہے۔پنڈی۔اسلام آباد ریلوے سروس بحال کی جا رہی ہے، ایچ آئی ٹی پاکستان میں الیکٹرک بسوں کی مقامی تیاری شروع کرنے جا رہا ہے۔ بریفننگ میں بتایا گیا کہ ڈپو میں64 چارجرز لگانے کی گنجائش موجودہے تاہم فی الحال50 چارجرز نصب کئےگئےہیں جبکہ مزید14 چارجرز جلد لگائے جائیں گے۔ایک چارجر دو گھنٹے میں دو بسیں چارج کرنے کی صلاحیت رکھتا ہے۔ اسلام آباد میں 21 روٹس پر الیکٹرک بسیں چل رہی ہیں۔منصوبے کو گوگل کے ساتھ انٹیگریٹ کیا گیا ہے۔چیف کمشنر اسلام آباد، آئی جی اسلام آبادپولیس، ڈپٹی کمشنر اسلام آباد سمیت اعلیٰ افسران بھی اس موقع پر موجود تھے۔
وفاقی وزیر داخلہ محسن نقوی نے نئی الیکٹرک بسوں۔الیکٹرک بسوں کے ڈپو اور چارجنگ سنٹر کا افتتاح کر دیا
