صوبائی وزیر برائے ہاؤسنگ بلال یاسین نے حلقہ انتخاب میں کھلی کچہری میں شہریوں کے مسائل سنے اور تدارک کیلئے احکامات جاری کیے۔حلقے کی عوام اور لیگی کارکنان نے صوبائی وزیر کو مسائل سے آگاہ کیا۔ صوبائی وزیر نےحلقے کے مستحق افراد میں راشن اور اشیاء ضروریہ کی تقسیم کیلئے کارکنوں کو ہدایات جاری کیں۔ لیگی کارکنان نے صوبائی وزیر کو مختلف یونین کونسلز میں جاری ترقیاتی کاموں بارے پیش رفت سے بھی آگاہ کیا۔ اس موقع پر وزیر ہاؤسنگ بلال یاسین کا کہنا تھا کہ وزیر اعلی مریم نواز نے اس بار بھی مستحق افراد میں اربوں روپے تقسیم کیے ہیں۔ رمضان بازاروں میں اشیاء کا معیار اور قیمتوں میں واضح کمی خوش آئند ہے۔ داتا دربار، ریلوے اسٹیشن اور نیلا گنبد کے ترقیاتی منصوبوں کو رواں سال میں مکمل کر لیا جائے گا۔ ان کا مزید کہنا تھا کہ شہر کے دشوار گزار راستوں کو ان منصوبوں کی تکمیل سے نئی جہت ملے گی۔
*داتا دربار، ریلوے اسٹیشن اور نیلا گنبد کے ترقیاتی منصوبوں کو رواں سال میں مکمل کر لیا جائے گا۔ بلال یاسین*
