ڈی جی ایل ڈی اے طاہر فاروق کی ہدایت پر ایل ڈی اے شعبہ پرائیویٹ ہاؤسنگ سکیمز کے عملے نے غیر قانونی سکیموں و لینڈ سب ڈویژن کے خلاف منہالہ روڈ اور اطراف پر قائم 8 غیر قانونی سکیموں و لینڈ سب ڈویژن کے خلاف میگا آپریشن کیا۔ایل ڈی اے ٹیموں نے آپریشن کے دوران ان سکیموں و سب ڈویژن کے دفاتر، دروازے و دیگر پختہ سٹرکچر کو مسمار کر دیا۔ایل ڈی اے ٹیموں نے آپریشن کرکے غیر قانونی سکیموں و لینڈ سب ڈویژن کا انفرا سٹرکچر، سیوریج سسٹم اور سڑکیں مسمار کر دیں۔ان سکیموں میں الفتح ایسوسی ایٹ، رائل پام سوسائٹی، ہجویری گارڈن فیز ٹو، الحمد میڈوز، نیو ابادی نتھوکی، منہالہ ویلی, منہالہ ریزیڈینشیا، نیو آبادی منہالہ، الحرم میڈوز و دیگر شامل ہیں۔آپریشن ایڈیشنل ڈی جی یوپی مدثر احمد شاہ کی نگرانی میں ڈائریکٹر شعبہ پرائیویٹ ہاؤسنگ سکیم اسد اللہ چیمہ نے کیا۔آپریشن میں ایل ڈی اے انفورسمنٹ سکواڈ اور پولیس کی بھاری نفری نے شرکت کی۔ڈی جی ایل ڈی اے طاہر فاروق کی ہدایت پرشہر بھر میں غیر قانونی سکیموں و لینڈ سب ڈویژن کے خلاف بلاامتیاز آپریشن جاری ہیں۔
