کمشنر لاہور ڈویژن مریم خان کی زیر صدارت انسداد سموگ کیلئے اعلی سطحی اہم اجلاس منعقد ہوا۔ اجلاس میں محمکمہ ماحولیات اور تمام اضلاع کے ڈی سیز نے انسداد سموگ کیلنڈر 2025 اور محکموں کی سموگ ذمہ داریوں پر بریفنگ دی. بریفنگ میں کمشنر لاہور کو آگاہ کیا گیا ہے کہ لاہور میں سموگ کا آغاز عموما اکتوبر کے پہلے ہفتے سے ہوتا ہے، یکم اکتوبر سے ہر انڈسٹری چمنی سی سی ٹی وی محکمہ سے شیرنگ کریگا اور خلاف ورزی پر شٹ ڈاون کریں گے،
لاہور اور شیخوپورہ میں تمام پائرولسز پلانٹس مسمار ہوچکے ہیں، لاہور ڈویژن میں تمام بھٹوں اور انڈسٹری کی ای میپنگ مکمل ہے اور اسٹیک ہولڈرز کو اعتماد میں لیا گیا ہے، 15اکتوبر سے لاہور میں بغیر فٹنیس سرٹیفکیٹ لوڈر گاڑیوں کو پکڑ کرسیدھا بندکردیا جائیگا۔کمشنرلاہور مریم خان نے محکمہ ماحولیات اور ضلعی انتظامیہ کو انسداد سموگ کے حوالے سے ہدایات جاری کیں۔ انہوں نے کہا کہ ماحولیات سکواڈز کو 24 گھنٹے میں فیلڈ میں متحرک کریں پیرا فورس بھی ساتھ ہونی چاہیے، بغیر کور ریت مٹی ٹرالیاں شہر میں داخل نہ ہوں یہ پالیسی پورے سال کیلئے ہوگی۔ کمشنر لاہور نے کہا کہ لاہور میں انسداد سموگ کاروائیوں کو راوی، شالیمار اور واہگہ ذونز سمیت پورے شہر میں جامع بنائیں، لاہور میں تمام 556 اینٹوں کے بھٹے زگ زیگ پر ہیں، ہدایات خلاف ورزی پر بھٹے کو مسمار کردیں، انسداد سموگ پر زیرو ٹالرنس ہوگی بھٹے سے سیاہ دھویں پر متعلقہ اے سی سے جوابدہی ہوگی۔ کمشنر لاہور نے مزید کہا کہ ٹریفک چوکنگ پوائنٹس کی فہرست بنائیں اس کے تدارک کی حکمت عملی ترتیب دیں۔اجلاس میں ڈی جی ماحولیات سمیت تمام اضلاع کے ڈی سیز، سی ای او ایل ڈبلیو ایم سی، ڈائریکٹر ڈویلپمنٹ، ایس پی سکیورٹی، چیف انجینیر ایل ڈی اے، ڈائریکٹر انڈسٹریز، سیکرٹری آر ٹی اے سمیت پنجاب سیف سٹی اتھارٹی، زراعت اور ٹیپا افسران نے شرکت کی۔
