حکومت پنجاب، سروسز اینڈ جنرل ایڈمنسٹریشن ڈیپارٹمنٹ نے سات افسران کے تقرر و تبادلے کے احکامات جاری کئے ہیں۔چیف سیکرٹری پنجاب زاہد اختر زمان کی جانب سے جاری نوٹیفکیشن کے مطابق محمد فیصل سلیم ایڈیشنل سیکریٹری (ایڈمن)، کمیونیکیشن اینڈ ورکس ڈیپارٹمنٹ، حکومت پنجاب کو بطور ایڈیشنل سیکریٹری (کوآرڈینیشن) ایڈیشنل چیف سیکریٹری، پنجاب تعینات کر دیا گیا ہے۔محمد نبیل ریاض جو اس وقت پنجاب فوڈ اتھارٹی کے اختیار میں ہیں، کو فوری طور پر تبدیل کر کے ایڈیشنل مینیجنگ ڈائریکٹر، ہارٹیکلچر ایجنسی، لاہور تعینات کیا گیا ہے۔اسد اللہ کو ڈیپوٹیشن کی بنیاد پر ایڈیشنل ڈائریکٹر جنرل (آپریشنز)، پنجاب فوڈ اتھارٹی (PFA) کے طور پر تعینات کیا گیا ہے۔ محمد نجیب ایڈیشنل سیکرٹری، لٹریسی اینڈ نان فارمل بیسک ایجوکیشن ڈیپارٹمنٹ، حکومت پنجاب کو فوری طور پر تبدیل کر دیا گیا ہے اور ان کی خدمات ڈیپوٹیشن کی بنیاد پر پنجاب ریونیو اتھارٹی (PRA) کے سپرد کر دی گئی ہیں۔ رابعہ ریاست ڈائریکٹر (ایڈمن)، لاہور ڈویلپمنٹ اتھارٹی (ایل ڈی اے)، کو فوری طور پر تبدیل کیا گیا ہے انھیں ایڈیشنل سیکرٹری، لٹریسی اینڈ نان فارمل بیسک ایجوکیشن ڈیپارٹمنٹ، حکومت پنجاب تعینات کیا گیا ہے۔عبدالقدیر ڈپٹی سیکرٹری، ہوم ڈیپارٹمنٹ، حکومت پنجاب کو فوری طور پر تبدیل کر کے بطور چیف سٹریٹیجی آفیسر، انجینئرنگ کنسلٹنسی سروسز (پرائیویٹ) لمیٹڈ، ڈیپوٹیشن کی بنیاد پر، موجودہ اسامی پر تعینات کیا گیا ہے۔طاہر جاوید چیمہ ڈپٹی سیکرٹری (کوآرڈینیشن)، ایس اینڈ جی اے ڈی، حکومت پنجاب کو فوری طور پر تبدیل کیا گیا ہے اور انہیں ڈپٹی سیکرٹری، ہوم ڈیپارٹمنٹ، حکومت پنجاب عبدالقدیر کی جگہ تعینات کیا گیا ہے۔
حکومت پنجاب نے سات افسران کے تقرر و تبادلے کے احکامات جاری کر دیئے،ڈائریکٹر ایڈمن ایل ڈی اے رابعہ ریاست بھی تبدیل
