پشاور(بلدیات ٹائمز) لینڈ یوز اینڈ بلڈنگ کنٹرول اتھارٹی ( لبکا ) نے صوبہ خیبرپختونخوا کی TMAs اور اربن ایریا ڈویلپمنٹ اتھارٹیز کی حدود کے اندر کمرشل و گھریلو جائیدادوں کے نقشہ جات کی منظوری کے سارے چارجز لینڈ یوز اینڈ بلڈنگ کنٹرول اتھارٹیز کے اکاونٹ میں جمع ہوتے تھے جب سال 2022 سے قبل نقشہ جات کی منظوری کا اختیار TMAs کے پاس تھا اور نقشہ جات کی منظوری کے چارجز بھی TMAs کی آمدن کا بڑا ذریعہ تھا بعد ازاں یہ آمدن بلدیہ سے لبکا کو منتقل ہو گئی جب کہ نقشہ جات کی منظوری کے عملہ کی تنخواہیں و سائر اخراجات متعلقہ TMA برداشت کرتی تھی۔ جس پر لبکا اور TMAs کے حکام کے درمیان یہ طے پایا تھا کہ نقشہ جات کی منظوری کی کل آمدن کا 55 فیصد حصہ TMA کو دیا جائے گا اور 45 فیصد حصہ لبکا کو ملے گا۔جس پر لوکل گورنمنٹ ایمپلائز فیڈریشن خیبرپختونخوا کے عہدیداران نے لبکا کے ڈائریکٹر جنرل سے ملاقات کر کے نقشہ جات کی کل آمدن کو 45/55 کی بجائے 25/75 کی شرح سے تقسیم کرنے کا فارمولہ پیش کیا جس کی باقاعدہ سمری صوبہ کے چیف ایگزیکٹو کی منظوری کے بعد لبکا نے نقشہ جات کی منظوری چارجز کی کل آمدن کا 75 فیصد حصہ متعلق UADAs/TMA کو ادا کرنے کا باقاعدہ نوٹیفکیشن مجاریہ 03 مارچ 2026 کو جاری کرتے ہوئے فوری عملدرآمد کے متعلقہ محکموں کو روانہ کر دیا گیا۔یاد رہے TMAs کی آمدن بڑھانے کے لئے لوکل گورنمنٹ ایمپلائز فیڈریشن کی کاوشیں قابل ستائش ہیں۔
