پنجاب کی یونین کونسلوں کی حلقہ بندیوں کے لیے 2025 ء کے قانون کے مطابق ابتدائی فہرستیں جاری کر دی گئی ہیں۔، جو الیکشن کمیشن کے ضلعی دفاتر میں دستیاب ہوں گی۔تمام رجسٹرڈ ووٹرز سے اپیل کی گئی ہے کہ اپنے حلقہ جات کا بغور جائزہ لیں۔ اگر کسی کو حلقہ بندیوں پر کوئی اعتراض ہو تو وہ مقررہ طریقہ کار کے مطابق ریجنل الیکشن کمشنر آفس میں اپنی عذرداری دائر کر سکتے ہیں۔ یہ عمل ایک ماہ تک جاری رہے گا، جس کے بعد اعتراضات کی سماعت حلقہ بندی اتھارٹی کے پاس ہوگی۔8 اگست کو حلقہ بندیوں کی حتمی فہرستیں شائع کی جائیں گی، جس کے بعد بلدیاتی انتخابات کا شیڈول متوقع ہے۔بلدیاتی امور کے ماہرین کا کہنا ہے کہ سیاسی جماعتوں اور سماجی حلقوں سے گزارش ہے کہ انتخابی عمل پر گہری نظر رکھیں، اپنی تیاری شروع کریں اور جہاں ضروری ہو وہاں آواز بلند کریں۔ بالخصوص:• لوکل گورنمنٹ کے اختیارات میں اضافہ• براہِ راست انتخابات• پارٹی نشان پر الیکشن لڑنے کی اجازت• قانون میں موجود سقم کی اصلاح یہ مطالبات اپنی جگہ اہم ہیں، مگر انتخابی عمل کو آگے بڑھانا بھی ضروری ہے تاکہ کسی کو انتخابات سے فرار کا موقع نہ مل سکے۔یہ بھی دیکھنا ہوگا کہ آنے والے بجٹ میں حکومت بلدیاتی انتخابات کے لیے فنڈز مختص کرتی ہے یا نہیں، کیونکہ اسی سے حکومتی سنجیدگی اور نیت کا اندازہ ہوگا۔ عید کے بعد بجٹ اجلاس متوقع ہیں، لہٰذا بھرپور مطالبہ کیا جائے کہ بلدیاتی انتخابات کے لیے مناسب بجٹ رکھا جائے تاکہ نیا سال فعال، بااختیار اور منتخب مقامی حکومتوں کا سال بن سکے۔جمہوریت کی مضبوطی، عوامی نمائندگی اور مقامی خودمختاری کے لیے یہ مرحلہ انتہائی اہم ہے
