چیئرمین سی ڈی اے سہیل اشرف کی اسلام آباد کی فضا کو مزید بہتر بنانے کے حوالے سے اے ڈی بی کے وفد سے ملاقات

چیئرمین سی ڈی اے سہیل اشرف کی اسلام آباد میں ماحولیاتی تحفظ، ائیر کوالٹی کی بہتری اور شہر کی فضا کو مزید بہتر بنانے کے حوالے سے اے ڈی بی (ADB) کے وفد سے ملاقات کی۔ملاقات میں اے ڈی بی وفد میں شامل پرنسپل فنانشل سیکٹر سپیشلسٹ اینڈریو سی میکارٹنی Andrew C. Mccartney اور اے ڈی بی اربن ٹیم کے ماہرین نے شرکت کی۔ملاقات میں سی ڈی اے کے سنئیر افسران نے شرکت کی۔ملاقات میں اسلام آباد میں فضائی آلودگی جیسے چیلنجز، ائیر کوالٹی میں بہتری اور ماحولیاتی تحفظ کے حوالے سے تبادلہ خیال کیا گیا اسلام آباد میں فضائی آلودگی کا خاتمے سمیت ماحولیاتی تحفظ اولین ترجیحات میں شامل ہے، چیئرمین سی ڈی اے نے کہا کہ وفاقی دارالحکومت اسلام آباد کے گرین کور کو برقرار رکھنے کیلئے ہر ممکن اقدام اٹھائے جارہے ہیں۔اس ضمن میں پالیسی فیصلوں کے ساتھ ساتھ مختلف ماحول دوست اقدامات پر کام کیا جارہا ہے۔اے ڈی بی کے "کلین ایئر فنانس اینڈ ایمیشن ریڈکشن سیکٹر ڈویلپمنٹ پروگرام” کے تحت اسلام آباد کے فضائی معیار کو بہتر بنانے کیلئے جدید اقدامات اور پائلٹ منصوبوں کیلئے ایک ماڈل سٹی بنایا جائیگا۔اس پروگرام کا مقصد قومی سطح پر فضائی آلودگی سے نمٹنے کیلئے درکار پالیسی، مالیاتی و انتظامی اصلاحات کو عملی جامہ پہنانا ہے ۔ماحولیاتی تحفظ کیلئے نیشنل کلین ایئر پالیسی (این سی اے پی) کے تحت ٹرانسپورٹ، صنعت، میونسپل ویسٹ برننگ، گھریلو سالڈ فیول سے کھانا پکانا اور زرعی فضلے کو جلانے پر توجہ مرکوز کی گئی ہےاسلام آباد کیلئے کلین ایئر پلان تیار کرنے کے بعد نافذ العمل کیا جائیگا۔ان مختلف اقدامات کیلئے اے ڈی بی اپنی معاونت فراہم کریگا۔ دارالحکومت اسلام میں جدید فضائی کوالٹی مانیٹرنگ نیٹ ورک بھی قائم کیا جائیگامانیٹرنگ کا یہ نظام اسلام آباد میں فضائی معیار کے بارے میں حقیقی وقت میں ڈیٹا فراہم کریگا ۔گرین فنانسنگ اور کاربن مارکیٹ میں کاربن کریڈٹ کے حصول کو بھی ممکن بنایا جائیگا۔پاکستان میں طویل مدتی گرین فنانس کی کمی کو پورا کرنے کیلئے پروگرام میں رعایتی ری فنانسنگ اور گارنٹی کا پلیٹ فارم کی فراہمی پر کام کیا جائیگا۔سی ڈی اے اور اے ڈی بی کے مابین تکنیکی تعاون اور شراکت داری سے نہ صرف دارالحکومت کی فضائی معیار کو بہتر بنانے مدد ملے گی بلکہ طویل المدت ماحولیاتی تحفظ کو یقینی بنانے میں بھی مدد ملے گی