اجلاس کو گلگت بلتستان شمسی توانائی منصوبے پر پیش رفت پر بریفنگ دی گئی۔ منصوبے کے تحت 499 سرکاری عمارتوں کی چھتوں پر بیٹری اسٹوریج سمیت 18 میگاواٹ سولر سسٹم دسمبر 2026 تک نصب کر دیا جائے گا۔ 82 میگاواٹ یوٹیلٹی اسکیل سولر منصوبے کا پی سی-ون منظوری کے لیے ایکنک (ECNEC) کو بھجوا دیا گیا۔ 82 میگاواٹ سولر منصوبے سے تقریباً 13 لاکھ افراد مستفید ہوں گے۔ منصوبے کی تکمیل سے گلگت بلتستان میں سروس کا معیار بہتر ہو گا اور لوڈشیڈنگ کے خاتمے میں مدد ملے گی۔”ماحول دوست، صاف، سستی اور پائیدار توانائی کے فروغ کے لیے شمسی توانائی کا فروغ قومی توانائی کا اہم جزو ہے۔ 100 میگاواٹ سولر منصوبہ وفاقی حکومت کی جانب سے گلگت بلتستان کے عوام کے لیے ایک تحفہ ہے۔”
وزیراعظم محمد شہباز شریف کی زیرِ صدارت گلگت بلتستان کے لیے 100 میگاواٹ شمسی توانائی منصوبے پر جائزہ اجلاس
