جشن آزادی، پنجاب میں فی یونین کونسل 200 پودے لگانے کا ٹاسک،محکمہ بلدیات کی یوسی سیکرٹریز کو گائیڈ لائنز

9وزیراعلٰی پنجاب مریم نواز شریف کے ویژن کے مطابق محکمہ لوکل گورنمنٹ اینڈ کمیونٹی ڈویلپمنٹ نے یونین کونسلوں کو 14 اگست کو پودے لگانے کی ہدایات جاری کردی ہیں۔ڈائریکٹرجنرل لوکل گورنمنٹ اینڈ کمیونٹی ڈویلپمنٹ کی طرف سے ہر یونین کونسلز کو دوسو تک پودے لگانے کاٹاسک دیا گیا ہے۔اس سلسلہ میں ڈپٹی ڈائریکٹرز اور اسسٹنٹ ڈائریکٹرز کو ذمہ داریاں سونپی گئی ہیں۔محکمہ بلدیات کی طرف سے بلدیاتی اداروں کوبھی یوم آزادی پر شجر کاری مہم میں بڑھ چڑھ کر حصہ لینے کی ہدایت کی گئی ہے۔یونین کونسلز میں 10 لاکھ سے زائد پودے لگائے جائیں گے۔یونین کونسلوں کے سیکرٹریز کو مزید ہدایت کی گئی ہے کہ وہ چھوٹے پودوں کی بجائے بڑے پودے لگائیں اور ان کی تصاویر اور ویڈیوز بھی ارسال کریں۔