5 اگست یوم استحصال کشمیر کے موقع پر ضلعی انتظامیہ لاہور نے اظہار یکجہتی کشمیر ریلی کا انعقاد کیا۔ کمشنر لاہور ڈویژن نعمان یوسف اور ڈپٹی کمشنر لاہور نے ضلعی انتظامیہ کی یکجہتی کشمیر ریلی کی قیادت کی۔ یوم اسحصال کشمیر ریلی میں ضلعی انتظامیہ کے افسران و عملہ سمیت زندگی کے مختلف شعبوں سے تعلق رکھنے والے شہریوں نے شرکت کی۔ یوم استحصال ریلی کے شرکاء نے کشمیر کے حق میں تعرے بلند کئے۔اس موقع پر گفتگو کرتے ہوئے کمشنر لاہور ڈویژن نعمان یوسف نے کہا ہے کہ 5 اگست 2019 کے بھارتی اقدام پر عالمی ضمیر کو اپنا کردار ادا کرنا چاہئے۔ انہوں نے کہا کہ پاکستانیوں کے دل کشمیری بھائیوں کے ساتھ دھڑکتے ہیں، ضلعی انتظامیہ اور عوام کشمیریوں کی جدوجہد آزادی میں ان کے شانہ بشانہ ہیں۔ کمشنر لاہور نے کہا کہ شہر بھر میں ہونے والی ریلیاں مظلوم کشمیریوں کے ساتھ ہماری وابستگی کا اظہار ہیں۔ ڈپٹی کمشنر لاہور کیپٹن (ر) علی اعجاز نے کہا ہے کہ 5اگست کشمیری حقوق پر ایک غاصبانہ حملہ تھا، جموں کشمیر آزاد ہوکر رہے گا، کشمیریوں کی قربانیاں رائیگاں نہیں جائیں گی، آزادی ان کا مقدر ہے، آج کی ریلی کشمیریوں کے حق خودارادیت کی بھرپور حمایت کا منہ بولتا ثبوت ہے۔
*یوم استحصال کشمیر۔کمشنر لاہور نعمان یوسف اور ڈپٹی کمشنر لاہور کی قیادت میں ضلعی انتظامیہ کی یکجہتی کشمیر ریلی*
