وزیرِاعلیٰ پنجاب مریم نواز شریف نے مری سے لاہور پہنچتے ہی پرائس کنٹرول پر خصوصی اجلاس طلب کرلیا۔وزیرِاعلیٰ مریم نواز شریف کو اشیاءضروریہ کے نرخ پر تفصیلی بریفنگ دی گئی، ادارہ شماریات کی رپورٹ کے مطابق پنجاب میں ضروری اشیاءخورد و نوش کے نرخ تمام دوسرے صوبوں کی نسبت سب سے کم ہے، وزیرِاعلیٰ مریم نواز شریف کا صوبے میں پرائس کنٹرول پر اظہارِ اطمینان، انتظامی کاوشوں کو سراہا۔اس موقع پر وزیر اعلیٰ پنجاب مریم نواز نے صوبہ بھر میں روٹی کی مقررہ نرخ پر فروخت یقینی بنانے کا حکم دیااوروزیرِاعلیٰ مریم نواز شریف نے ہر ضلع میں اشیائے خورد نوش کے نرخ الگ الگ جائزہ لیا۔وزیرِاعلیٰ مریم نواز شریف نے روٹی اور آٹا کے نرخ بھی معلوم کیے۔وزیر اعلیٰ کا کہنا تھا کہ کسی بھی شہر میں روٹی مقررہ نرخ سے زائد فروخت کرنے کی ہرگز اجازت نا دی جائے۔ صوبہ بھر کی عوام کو کنٹرولڈ ریٹ پر آٹا فراہم کیا جائے،سیکرٹری انڈسٹری احسان بھٹہ نے پرائس کنٹرول چیکنگ کے بارے میں تفصیلی بریفنگ دی۔سینیٹر پرویز رشید، چیئرپرسن ٹاسک فورس سلمہ بٹ، ایم پی اے ثانیہ عاشق، چیف سیکرٹری زاہد اختر زمان، پرنسپل سیکرٹری ساجد ظفر ڈال، سیکرٹری انڈسٹری، سیکرٹری زراعت اور دیگر متعلقہ حکام بھی موجود تھے۔
وزیراعلیٰ پنجاب مریم نواز شریف نے مری سے لاہور پہنچتے ہی پرائس کنٹرول پر خصوصی اجلاس طلب کر لیا۔
